Mətbuat-Monitorinq 04.10.12

Rəsmi qəzetlər dövlət başçısının qəbulları haqda yazırlar. Bu qəzetlər ölkənin məhkəmə instansiyalarına sədrlərin təyin olunması ilə bağlı sərəncamın mətnini dərc ediblər.

“Azadlıq” qəzeti keçmiş rektor Elşad Abdullayevlə rüvşət qalmaqalına görə deputatlıqdan məhrum olan Gülər Əhmədova arasındakı 5 saatlıq videogörüntünün məzmunu barədə yazır. Rektor 2003-cü ilıdən itkin düşən qardaşı Mahir Abdullayevin tapılması üçün verdiyi külli miqdarda rüşvətdən danışır, keçmiş deputat isə deputat seçildiyi halda E.Abdullayevdən iqtidar komandasına sədaqət tələb edir. 

Gürcüstandakı parlament seçkilərinə münasibətini ifadə edən AXCP sədri Əli Kərimli bu seçkiləri Azərbaycan üçün “gözəl nümunə” adlandırır. 

MTRŞ sədri Nuşirəvan Məhərrəmli prezident seçkiləri zamanı xarici telekanallara qoyulacaq məhdudiyyəti “siyasi sabitlik tələbləri”lə izah etmək istəyib. 

Keçmiş deputat Gülər Əhmədova ilə keçmiş rektor Elşad Abdullayev arasındakı rüşvət qalmaqalını müxalif siyasilər seçkilər yaxınlaşdıqca “Naxçıvan qruplaşması ilə Paşayevlər arasında ziddiyyətlərin daha da dərinləşəcəyi” kimi dəyərləndiriblər.   

Milli Büdcə Qrupu ölkəni idarə edənlərin maaşları barədə informasiya verən “Vətəndaşın büdcə bələdçisi” kitabını nəşr edib. 

“Zerkalo” Gürcüstanda hakimiyyət dəyişikliyinə səbəb olan parlament seçkilərini hakimiyyəti əlindən vermək istəməyən Azərbaycan iqtidarı üçün “diskomfort mənbəyi” adlandırır.  

Avropa Şurasında “siyasi məhbus” anlayışının dəqiqi tərifinin müəyyən edildiyini yazan qəzet rəsmi Bakının əsassız həbslərlə buna şərait yaratmasını “rəsmi Bakının heç də az olmayan cəyləri”lə mövqeyini əlavə edir.  

“Ekspress”. Bu ilin 9 ayında atəşkəs 1150 dəfədən çox pozulub, 15 hərbçi şəhid olub, 2 hərbçi əsir götürülüb, 18 hərbçi və 1 mülki şəxsin yaralanıb. 

“Novoe Vremya” qəzeti Gürcüstanda hakimiyyət dəyişkliyinə səbəb olan parlament seçkilərinin nəticəsini rəsmi Bakının təəcüblə qarşıladığını yazır. 

“Bizim yol”  keçmiş deputat Gülər Əhmədova ilə keçmiş rektor Elşad Abdullayev arasındakı rüşvət olayında adı çəkilən PA-nın rəhbəri Ramiz Mehdiyevin bu olaya münasibətini ilk səhifəyə çıxarıb. 

Rəsmi Bakının təzyiqlərinə baxmayaraq, Avropa Şurasında siyasi məhbuslarla hesabatın qəbul olunmasını qəzet “rəsmi Bakının AŞPA-da uduzması” sayır.

“Yeni Müsavat” deputat Gülər Əhmədovanın deputat mandatından məhrum edilməsi xəbərini manjetə çıxarıb. 

Yol-nəqliyyat qəzasına görə barəsində həbs qətimkan tədbiri seçilən gənc müsavatçı Nigar Yaqublunun vəkili Osman Kazımov bir neçə gündür ki, işi aparan müstəntiqi tapa bilmədiyini deyərək onu məsuliyyətsizlikdə ittiham edib.

Sabirabadın Cavad və Zəngənə kənd sakinləri kəndlərə su verilməməsilə bağlı Kür üzərindəki körpünü bağlayaraq iqtidara etiraz etməyə hazırlaşırlar. 

ARDNŞ prezidentinin Bakı neft emalı zavodunda partlayışın olmaması haqda KİV-ə açıqlamasını xatırladan qəzet partlayış nəticəsində yanan şəxslərdən birinin tapıldığını yazır və ARDNŞ başçısını yalançılıqda suçlayır.