Mətbuat-Monitorinq 05.07.13

Rəsmi və iqtdaryönlü qəzetlər dövlət başçısı İlham Əliyevin ABŞ senatoru, Silahlı Qüvvələr üzrə komitə üzvü Rocer Uikerin başçılıq etdiyi nümayəndə heyətini qəbul etməsi xəbərini ilk səhifəyə çıxarıblar. Bundan əlavə, qəzetdə “Gömrük tarifi haqqında” qanunun, aqrar itehsalçıların kənd təsərrüfatı texnikası ilə təmin olunması haqda sərəncamın mətnlərini dərc ediblər.   

Bundan əlavə, bu qəzetlər Milli Şura, aparıcı müxalifət partiyaları arasında “ixtilaflar”, “parçalanmalar”olması, bu qüvvələrin xalqa xidmət etməməsi haqda yazılar dərc ediblər.

“Azadlıq” qəzeti iqtidar-müxalifət münasibətlərinə geniş yer verib. Keçmiş deputat, Milli Şura üzvü Gültəkin Hacıbəylinin övladının əlindən alınması önə çəkilib, bu, “iqtidarın rəzil addımı” kimi şərh edilir. 

Milli Şuranın prezidentliyə vahid namizədi Rüstəm İbrahimbəyovun sədri olduğu Kinematoqrafçılar İttifaqının Mingəçevirdəki binası hər hansı qərar olmadan sökülüb. 

Siyasi fəallara təzyiqlər güclənir. AXCP sədrinin müşaviri Şakir Abbasovun kommunal borcu olmasa da suyu, qazı, işığı kəsilib. 

Qəbələdə AXCP fəalı Tehran Musayevun həbsinə hazılrlıq gedir   İyulun 4-də NİDAçı Fuad Hacıyev 10 sutka inzibati cəza alıb.   

Olimpiya stadionunun tikilməsi Böyük Şor qəsəbə camaatı üçün problem yaradıb, 2 mindən çox ev sökülür, mənzilin hə kv.m-nə 800 manat verilməsi nəzərə tutulan  kompensasiya zərəri ödəmir.

“Zerkalo”  kəskin istilərin düşməsilə bağlı Bakı təcili tibbi yardm stansiyalarına müraciət edənlərin sayının artmasına diqqət çəkir.  

“Ekspress” Rusiya OMON-un azərbaycanlılar çalışan bazarlardan birinə basqın etdiyini, onları döydüyünü, çoxsaylı insanların polis bölmələrinə aparıldığını nəzərə çatdırır.    

“Exo”  son iki ayda Bakının və Abşeronun su hövzələrində 10 nəfərin batdığını, bundan 6-nın uşaq olduğunu qeyd edir. 

“Novoe Vremya” PA-nın şöbə müdiri Novruz Məmmədovun ölkədə demokratiya olması haqda açıqlamasına ironik olaraq “həm gülüş, həm gülünc” şərhini verir. Şəhər sakinlərinin evlərinin sökülməsinə baxmayaraq, hökumətin ədalətli kompensasiya verməməsinə qəzet “ədalətli kompensaiya? gözləməyin!” mövqeyini ifadə edir. 

“Bizim yol” Milli Şura təmsilçilərinin Vaşinqtona dəvət almamalarını önə çəkərək bunu “Amerikadan müxalifətə sürpriz münasibət” adlandırır. 

Rəsmi “Azərbaycan” qəzetinin kollektivi qəzetdə bürokratiya yaratdığına görə redaktor və deputat Bəxtiyar Sadıqovdan parlament sədrinə şikayət etməyə hazırlşır.  

“Yeni Müsavat” iqtidar-müxalifət münasibətlərinə önəm verib.   

Qəzet qarşıdakı seçkilərdə xalq fəallığını önləmək üçün idmançılardan ibarət cəza qruplarını ARDNŞ-in maliyyələşdirməsi, mühafizəçi adı ilə ARDNŞ-nin müxtəlif qurumlarına bu qüvvələrin toplanmasını Bəylər Əyyubovun təmin etməsi xəbərini manjetə çıxarıb. 

Qəzet Azərbaycan Kazaklar Birlyi ətrafına gənc qüvvələrin cəlb olunması prosesinin başlanması kimi müəmmalı bir hadisəyə diqqət çəkir. 

Gədəbəy rayon icra başçısı Ramiz Yediyarov müxalifətçiləri ictimai yerlərə, çayxanalara buraxmamağı tapşırıb.