İlin sonu üçün bütün sığortaçılar pul bazarına çıxış imkanı əldə edəcəklər

Azərbaycan sığortaçıları birja elektron ticarət sistemində (BEST) iştiraka hazırdırlar. Bu, Bakı Banklararası Valyuta Birjasında (BBVB) treyderlərin hazırlığı sayəsində mümkün olacaq. 

Əvvəllər Turan yazmışdı ki, BBVB ilə Atəşgah, Buta Sığorta, AtaSığorta və AzRe müqavilə bağlayıb. Sertifikatlaşma kursu keçəndən sonra daha bir neçə şirkət buna hazırdır. Proqram təminatı və pul ticarət sisteminə qoşulma bir neçə şirkətə iyulun sonu, avqustun əvvəli üçün müvafiq imkan yaradacaq. Payızda qalan şirkətlər MONEY-Market iştirakçısı olacaq. 

Müqaviləyə əsasən, sığortaçılar banklarla eyni hüquqda pul bazarına çıxa bilərlər. BBVB yeni iştirakçılara "BEST" ticarət sisteminə çıxış təqdim edəcək, həmçinin hesablaşma və məlumat xidmətləri göstərəcək. 

Pul bazarının seqmentində əməliyyatlar "BEST sistemində pul vəsaitlərinin cəlb edilməsi və yerləşdirilməsi üzrə əməliyyat keçirilməsinin müvəqqəti qaydaları", " BEST sistemində ticarətin təşkili reqlamenti və hesablamaların aparılması", "MONEY-MARKET maliyyə alətinin təsnifi" əsasında həyata keçirilir.

BBVB-nin rəhbəri Fərhad Əmirbəyovun sözlərinə görə, yerli maliyyə bazarı yeni mərhələ yaşayır. "Sığorta şirkətləri Azərbaycan banklarının vacib likvidlik tədarükçüsüdür və depozit bazsını möhkəmləndirirlər ", - deyə Əmirbəyov bildirib.  --17D—