Mətbuat-Monitorinq 05.08.15

Rəsmi qəzetlər daha çox iqtidarı təbliğ edən müxtəlif aspektli yazıları ilk səhifələrdə yerləşdirblər.

“Azadlıq” qəzeti bir neçə il ərzində vəzifədən çıxarılanlarla bağlı araşdırmanın başlandığını bildirərək və bunu “keçmiş məmurlara həbs təhlükəsi” adlandıraraq manjetə çıxarıb.

İnsan haqları ilə bağlı blokda həbsdə olan hüquq müdafiəçisi Taleh Xasməmmədovun anası polis zorakılığından şikayət etdiyi üçün barəsində cinayət işi başlanıb.

“Sovetski” məhəlləsinin sakinləri deputatları Ülvi Quliyev namizədliyini təkrar verdiyi halda etiraz aksiyalarına başlayacaqlarını bildirirlər.

“Ekspress” Azərbaycan nümayəndə heyətinin İran səfərinə “Bakı-Tehran əlaqələrinin dərinləşməsi” mövqeiyini önə çəkib.

“Novoe Vremya” Bakı-Tbilisi-Qars-Ərzurum qaz kəmərini PKK terrorçularının partlatması xəbərini diqqət mərkəzinə çəkib.

“Bizim yol”  Bakı-Tbilisi-Ərzurum qaz kəmərini PKK terroçularının partlatmasını ilk səhifəyə yerləşdirib.

Səhiyyə nazirinin müavini Elsevər Ağayev dərman vasitələrinin 90%-nin qiymətinin enəcəyi bəyanatı səsləndirib.  

Müəllimlik etmək üçün 18.573 müəllimin imtahan verdiyini yazan qəzet bundan ancaq 1892 nəfərinin işə qəbul edildiyini nəzərə çatdırır. 

Qəzet Zərdab rayon icra başçısı Lütfəli Babayevin oğlunun avtoxuliqanlıq etdiyi üçün Mingəçevirdə saxlanılaraq 15 günlük inzibati cəza aldığını qeyd edir. 

“Yeni Müsavat”  “Texnikabank”dakı kritik durumla bağlı bu bankda Kənd Təsərrüfatı Nazirliyinin 10, metropolitenin 2 milyon manatının batmaqda olması, “Araş” firmasının 15 milyon manatının oğurlanması haqda xəbərləri ilk səhifəyə çıxarıb.

2015-ci ilin ötən dövrü üçün ölkənin xarici siyasətini ekspertlər “xarici siyasətin ciddi uğursuzluqlarla yadda qalması” kimi dəyərləndiriblər.

Qəzet ekspertlərə isnadən bu ilin 7 ayı ərzində Mərkəzi Bankın valyuta ehtiyatlarının 5.26 milyard dollar və ya 38% azaldığını nəzərə çatdırır. Bundan əlavə, qəzet ekspertlərin manatın növbəti devalvasiyasının qaçılmazlığını və bu halın “uzağı parlament seçkilərindən sonra ola biləcəyi” proqnozlarını xatırladır. Rus rublunun dəyərdən düşməsinə toxunan qəzet bunun Rusiya-Azərbaycan ticarətinə mənfi təsir göstərəcəyini iddia edir.