Rəsmi və iqtidaryönlü qəzetlər dövlət başçısı İlahm Əliyevin Salyan, Biləsuvar və Cəlilabad rayonlarına səfərini, bu rayonlarda bir sıra obyektlərin açılışında iştirakı, Qiymətli Kağızlar üzrə Dövlət Komitəsinin bir qrup əməkdaşının dövlət mükafatları ilə təltif olunmaları haqda yazır.
Bu qəzetlər müxalifət qüvvələrinin birliyi olan Milli Şuranın əleyhinə qaralama kampaniyasını artıq 23 aydan çoxdur ki, davam etdirirlər.
“Azadlıq” qəzeti keçmiş nazirlər Əli İnsanov və Fərhad Əliyevin, habelə “Azpetrol” şirkətinin keçmiş sahibi Rafiq Əliyevin seçkiyə bir gün qalmış həbsdən azad olunacaqlarını yazaraq bunu “İlham Əliyevin “seçki əfvi”” adlandırır.
Demokratik düşərgə rəsmi Bakının EL hərəkatına təzyiqlərini “prosesləri qanuni və dinc məcradan çıxarmaq təxribatı” kimi dəyərləndirib. Siyasi ekspertlər iqtidarın reytinqinin ən aşağı həddə olduğunu bəyan edərək demokartik qüvvələrin seçkidə qələbəsi üçün əlverişli şəraitin yarandığını bildirirlər.
Milli Şuranın üzvü, keçmiş deputat Gültəkin Hacıbəyli ona qarşı müxtəlifyönlü təzyiqlərin rəsmi Bakının göstərişilə icra olunduğunu deyərək cəmiyyətə “doğrudanmı belə əxlaq sahibləri tərəfindən idarə olunmağa layiqik?” sualını ünvanlayır.
BBC telekanalı “Naxçıvan xanı” Vasif Talıbovun əcaib qadağaları haqda material hazırlayıb.
Binəqədi təcridxanasında saxlanılan siyasi fəallara verilən işgəncələrlə bağlı araşdırma başlanıb.
Qəzet erməni hakerlərin Azərbaycandan məxfi sənədlər oğurladığını, onların sırasında offşorlara dair araşdırmaların, sxem və mühasibat sənədlərinin olduğunu bildirir.
“Ekspress” 17 yaşlı qızı oğurlayan və anasına xəsarət yetriən 4 nəfərin saxlandığını ilk səhifəyə çıxarıb.
Bakı Tikiş Fabriki işbazların məktəbli geyim formalarını baha qiymətə satması ilə bağlı əhaliyə və dövlət qurumlarına müraciət edib.
Qeydiyyat müddəti ərzində daxil olduqları ali məktəblərə müraciət etməyən 1300-dən çox tələbə bu addan məhrum edilib.
“Exo” ekspertlərə istinadən bildirir ki, üstü açılmayan cinayətlərin zərərçəkənlərinə kompensasiyanın ödənməsinin qanuna salınması hüquq-mühafizə orqanları əməkdaşlarının məsuliyyətinin artmasına səbəb olacaq.
“Bizim yol” həftə sonuna kimi dövlət başçısı İlham Əliyevin əfv fərmanını imzalayacağını yazaraq bu fərmanla keçmiş nazirlər Əli İnsanovla Fərhad Əliyevin azadlığa çıxacaqlarını bildirir.
“Yeni Müsavat” qəzetinə açıqlamasında Milli Şuranın prezidentliyə vahid namizədi, professor Cəmil Həsənli bu formatın müxalifət üçün əhəmiyyətini “seçki qələbə ilə başa çatsa belə Milli Şura yaşamalıdır” şəklində izah edib.
Parlamentin vitse-spikeri Valeh Ələsgərova məxsus torpaq sahəsində narkotik maddə plantasiyası aşkar edilib.
Qəzet nazir Kəmaləddin Heydərovu qeyri-rəsmi baş nazir adlandıraraq onun oktyabrın 9-dan sonra vəzifədən gedəcək baş nazir Artur Rəsizaədinin səalahiyyətlərini icra etdiyini iddia edir.
Cəmiyyət
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
Rəy yaz