Mətbuat-Monitorinq 05.10.12

Rəsmi qəzetlər Bakıda ikinci Beynəlxalq Humanitar Forumun öz işinə başlaması, dövlət başçısı İlham Əliyevin burada çıxış etməsi haqda yazırlar.  

“Azadlıq” qəzeti AŞPA rəhbəri Turbyern Yanqlandın “Azərbaycan kürüsü AŞPA-nın müstəqiliyi üçün təhlükədir” bəyanatını rəsmi Bakının AŞPA deputatlarını rüşvətlə ələ almasına işarə etməsi kimi dəyərləndirir. 

Qəzet AŞPA-da siyasi məhbus meyarlarının qəbul edilməsini buna qarşı olan Azərbaycan nümayəndə heyətinin və “Əliyev lobbiçiləri”nin də məğlubiyyəti sayır. 

“Gülər Əhmədova olayı”nda adı hallanan PA-nın rəhbəri Ramiz Mehdiyevin “heç kimə güzəşt olmayacaq” ifadəsini politoloqlar  iqtidardaxili qüvvələrə mesaj olması kimi dəyərləndirirlər. Politoloqlar iqtidarın seçki ərəfəsində xarici kanallara məhdudiyyət qoymaq niyyətini “iqtidarın seçkini saxtalaşdırmaq cəhdi” sayırlar.

Təhsil üzrə ekspert Əlövsət Osmanlı orta məktəb dərsliklərinin aşağı səviyyəli olmasını “dərslkləri  bu şəkildə ortaya çıxaranların dövlət və millətin düşmənləri olması” kimi şərh edib. 

“Ekspress”  eks-prezidentlər haqqında qanunun qüvvəyə minməsinə baxmayaraq, eks-prezident Əbülfəz Elçibəy ailəsinin hələ də qanunun bütün tələblərindən tam yararlana bilməməsi, təhlükəsizlik heyətilə təmin olunmaması haqda yazır.  

“Exo”  “Azerspace-1” Azərbaycan peykinin orbitə çıxarılmağa hazır olduğunu və növbəsini gözlədiyini yazaraq ekspoertlərə isnadən Azərbaycan peykinin ona çəkilən xərci üçqat ödəyəcəyi proqnozu veririlər. 

“Novoe Vremya”  AŞPA baş katibinin Azərbaycan deputatlarını “kürü siyasəti”ndə ittiham etməsini “siyasi korrupsiya caynaqları AŞPA-ya qədər çatır?” təəcübü ilə qarşılayır. Qəzet AŞPA-da siyasi məhbus meyarlarının qəbul olunmasına qarşı Azərbaycan nümayəndə heyəti qarışıq bəzi deputat qruplarının fəaliyyətinin “iflasa uğradığını” nəzərə çatdırır. 

“Bizim yol”. Yayımladığı videogörüntülərlə iqtidarı seçki saxtakarlığında işfa edən keçmiş rektor Elşad Abdullayevin təhlükəsizliyinə təminat verilərək hüquq-mühafizə orqanları tərəfindən ölkəyə dəvət olunmasına vəkil Adil İsmayılovun “indiki durumda E.Abdullayevin ölkəyə gəlməsindən söhbət gedə  gedə bilməz” mövqeyini bildirib. 

“Yeni Müsavat” AŞPA-da siyasi məhbuslarla bağlı meyarların qəbul edilməsini “iqtidarın Strasburqda böyük məğlubiyyətə uğraması” sayır.

Milli İstiqlal Partiyasının Bayıl qəsəbəsindəki ofisi uçurulub, amma bunun kim  və ya hansı qurum tərəfindən edildiyi məlum deyil. 

Qardaşı oğurlanan, universiteti bağladılan, pulları əlindən alınan keşmiş rektor Elşad Abdullayev yaydığı videogörüntülərlə iqtidarı ifşa etdiyinə görə deputat Zahid Oruc onun “bəzi dairələrin hakimiyyəti altında olması” mövqeyi ifadə edir. 

PA ictimai-siyasi şöbəsinin müdiri Əli Həsənov qəzet yayımında olan problemlərə “yayımla bağlı prosesin bir ayın içində yekunlaşacağı və narazılıqlara son qoyulacağı” vədini verib.