Mətbuat-Monitorinq 05.12.12
Rəsmi qəzetlər PA rəhbəri Ramiz Mehdiyevin Şah İsmayıl Xətai şəxsiyyəti haqqında irihəcmli məqaləsini dərc edib.
“Azadlıq” qəzeti müxalif qüvvələrin dekabrın 10-da parlamentin binası önündə nəzərdə tutulan aksiyaya ciddi hazırlaşdığını, meriyanın cavabından asılı olmayaraq aksiyanın keçiriləcəyini bildirir.
Böyük Britaniyanın “The Economist” jurnalının demokratiya indeksinə görə Azərbaycan Afrika ölkələrindən də geri qalaraq 165 ölkə arasında 140-cı yeri tutur.
Dünyada yaşamalı 25 şəhərin arasında Bakının adının olmamasını yazan qəzet yaşamalı şəhərlərin 15-nin Avropada olduğunu bildirir.
Naxçıvandakı durumu təhlil edən siyasi ekspertlər bölgədə “istənilən vaxt partlayışın baş verə bilməsi” barədə xəbərdarlıq ediblər.
“Article-19” fəalları Heydər Əliyevin Mexikodakı heykəlinin üzərinə qara örtük salıblar, heykəlin aşağı hissəsində isə “ölkədən kənarda səxavətlisiniz, ölkə içində tənqidçiləri həbsə alırsız” lövhəsini yerləşdiriblər.
“Zerkalo” RF prezidenti Putinin Türkiyə səfərində bel ağrılarına düçar olmasını, RF XİN başçısı Lavrovun qolunu sındırmasını ironiya ilə “Putinin Türkiyə səfərinin ən vacib xəbərləri” adıandırır.
ABŞ- da səfərdə olan Müsavat Partiyası funksioneri Arif Hacılı rəsmi Vaşinqtonun Bakıda 2013-cü il seçkiləri öncəsi durumu öyrənməyə ciddi diqqət verdiyini bildirib.
“Ekspress” soyuqların düşməsilə bağlı dəm qazından ölmələrin sayının artmasına diqqət çəkərək bunu “dəm qazı qırğını mövsümünün başlaması” adlandırır.
Nəqliyyat Nazirliyi bir-birini təkrarlayan 21 marşrut xəttini bağlayıb.
“Exo” Ermənistanda keçirilən boks üzrə Dünya Çempionatında Dağlıq Qarabağı “müstəqil respublika” kimi təqdim etməsi cəhdini Azərbaycana qarşı təxribat adılandırır.
Dekabrın 4-dən Azərbaycanda havanın hərarəti 7-10 dərəcə aşağı enəcək.
Bu ilin 10 ayında baş vermiş yol qəzalarında 301 nəfər həlak olub, 1089 nəfər xəsarət alıb.
“Novoe Vremya” Avropa və Amerika məmurlarının çıxışlarına istinadən “qaz uğrunda geosiyasi cavaşın açıq formaya keçdiyi” barədə xəbərdarlıq edir.
“Bizim yol” ekspertlərə istinadən bp şirkətinin başqa operatorla əvəzlənəcəyini yazaraq bunu “bp-nin Azərbaycandan qovulması” adlandırır.
“Yeni Müsavat”. Rəsmi Bakı şərti “milyarderlər ittifaqı”nın təsisçiləri Abbas Abbasova, “AST” Telmana, Şöyün Sadıqovun Bakıya gəlməsinə yasaq qoyub.
Bu il martın 1-də Qubadakı olaylarla bağlı həbs edilənlərin azad olunmaları tələbilə bu gün Qubada aksiya gözlənilir.
Son vaxtlar rəsmi Bakının “bp-Azərbaycan” kampaniyasına qarşı tənqidləri ilə bağlı BP prezidentinin Bakıya gəlişi gözlənilir.
25 il polisdə çalışan şəxsin 791 manat, 50 il müəllim işləyən şəxsin cəmi 163 manat pensiya alacağına diqqət çəkən qəzet bunu “hökumətin müəllim rəzaləti” adlandırır.
“Bakı Xəbər” deputat Elmira Axundovaya istinadən Yeni il üçün əfv fərmanının hazırlanmaqda olduğunu yazır.
-
- Bazarların icmalı
- 5 Dekabr 2012 01:13
-
- İqtisadiyyat
- 5 Dekabr 2012 10:52
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz