ВР qaz hasilatı şirkəti olmaq istəmir

Britaniyanın ВР şirkəti qazı yox, nefti özünün strateji prioriteti etmək, karbohidrogenlərin emalı və inkişafı yox, kəşfiyyat və hasilatı ilə məşğul olmaq istəyir.  Röyter agentliyinin məlumatına görə, BP rəhbərliyi bunu 3 dekabrda fond bazarı analitiklərinə şirkətin 2014-2020-ci illərdə inkişaf strategiyasını təqdim edərkən bildiriblər. 

ВР rəhbəri Robert Dadli bəyan edib ki, aktivləri, o cümlədən Rusiyanın ТНК-ВР şirkətində 50%-lik paketi satmaqla Britaniya şirkəti öz mövqeyini itirməyib, sadələşib və daha idarəolunan olub. "Hasilat avadanlığının 50%-i, quyuların üçdə biirni, boru kəmərlərinin yarısını satdıq, amma hasilatın 9%, ehtiyatların 10%-i  itirdik, - deyə Dadli bildirib, – Daha sadə şirkət olduq".

2010-cu ilin aprelində Meksika körfəzində ВР-nin platformasında qəzadan sonra şirkət $65 mlrd məbləğində aktivlərinin satıb. Bu, onun bazar kapitallaşmasının yarısıdır. ВР kompensasiya ödəmək üçün fond yaradıb. Onun məbləği indi $27,5 mlrd-dır. Dadli həmçinin məlumat verib ki, Meksika körfəzində qəzanın mənfi nəticələrinə baxmayaraq, bu region neft və qaz hasilatının artırılmasında mühüm rol oynayacaq. 

ВР öz strategiyasında kəşfiyyat və karbohidrogen hasilatına xərcləri artırmağı vəd edir. 2011-2020-ci illərdə bu xərclər ildə $24-27 mlrd olacaq. 2011-ci ildə bu göstərici $19,1 mlrd, 2012-ci ildə $22 mlrd olub. 

Şirkət investisiya həcminin artırılmasını əməliyyat mənfəəti və aktivlər satmaqla təmin etmək istəyir. Nağd vəsait axınının artımı $2-3 mlrd təşkil etməlidir. 

2014-20-ci illər üzrə strategiya kəşfiyyat və hasilata investisiya payını indiki 70%-dən 80%-ə artırmağı nəzərdə tutur. Neft emalı və neft məhsullarının satışının payı isə azalmalıdır. --0—