RF prezidenti V.Putin Rusiya və Türkiyənin “Mavi axın” qaz kəmərinin genişləndirilməsi, o cümlədən üçüncü ölkələrə satış üzrə razılığa gələ biləcəyini istisna etmir.
"Unutmayaq ki, “Mavi axın” çoxdan işləyir və bu 16 mlrd m3-i biz bu kəmərlə Türkiyəyə tədarük edirik", - deyə Putin jurnalistlərə bildirib.
"İstisna etmirəm ki, biz Türkiyə ilə “Mavi axın” qaz kəmərinin genişləndirilməsi, o cümlədən üçüncü ölkələrə satış üzrə razılığa gələ bilərik", - deyə Putin bildirib.
Rusiya mənbələri bildirir ki, RF Türkiyə ilə üçüncü ölkələrə satış üzrə razılığa gələ bilsə, "Qazprom" “Mavi axın”la Yunanıstana tam tədarük həyata keçirə bilər (ildə 2,8 mlrd m3).
Bu kəmərin buraxılış qabiliyyəti 16 mlrd m3-dir. Daha bir qol çəkilsə, bu kəmər TANAP-a ciddi rəqib ola bilər. Ankara Rusiya tərəfinə müraciət edib ki, gələn ildən Türkiyənin daxili bazarı üçün qaz tədarükünü artırsın. Bundan başqa, Türkiyənin "Antalyaspor" futbol klubunun təmsilçiləri "Qazprom"a təklif edib ki, onların baş sponsoru olsun. --0—
İqtisadiyyat
-
Mərkəzi Bank (AMB) 13 noyabr tarixində İdarə Heyətinin qərarına əsasən "Yaşıl taksonomiya"nı təsdiqləyib.
-
Azərbaycan Dövlət Neft Şirkəti (SOCAR) Bolqarıstanın "Asarel Energy" şirkəti ilə birgə inkişaf haqqında saziş imzalayıb. Bu şirkət Asarel Medet holdinq qrupunun bir hissəsidir. Saziş 13 noyabrda COP29 sammiti çərçivəsində Azərbaycan Prezidenti İlham Əliyev və Bolqarıstan Prezidenti Rumen Radevin iştirakı ilə imzalanıb.
-
"Saudi Electricity" şirkətinin baş direktoru Xalid əl-Hamidi və Azərbaycanın dövlət enerji şirkəti "Azərenerji"nin sədri Baba Rzayev, Bakıdа keçirilən COP29 sammitində çərşənbə günü anlaşma memorandumu (MoU) imzaladılar. Saziş Azərbaycanın Energetika Naziri ilə Səudiyyə Ərəbistanı Energetika Naziri arasında "Mavi zona"da baş tutan yüksək səviyyəli görüşdən sonra imzalanıb və Azərbaycanın enerji sisteminə bərpa olunan enerji mənbələrinin inteqrasiyasını gücləndirməyə yönəlib.
-
Yunanıstan-Bolqarıstan İnterkonnektorunun (IGB) operatoru ICGB-nin baş direktoru Teodora Georgieva, COP29 sammitinin kulislərində jurnalistlərlə söhbətində, Rusiya qazının Ukrayna vasitəsilə tədarükünün dayandırılma ehtimalı fonunda Azərbaycanın və digər qaz tədarükçülərinin Avropa İttifaqı üçün kritik rolunu vurğuladı.
Rəy yaz