![Prezident Administrasiyasının rəhbərinin müavinlərinin təyinatı kadr islahatı deyil](https://turan.az/resized/media/2012/main/120500020296-750-500-resize.webp)
Prezident Administrasiyasının rəhbərinin müavinlərinin təyinatı kadr islahatı deyil
Prezident Administrasiyasının rəhbərinin müavini institutunun yaradılması cəmiyyətin hakimiyyətdən tələb etdiyi kadr dəyişikliyi islahatı deyil. Bu, sadəcə Prezident Administrasiyasında bəzi şöbə müdirlərinin səlahiyyətlərinin artırılmasıdır. Bu barədə Turan-a Prezident Administrasiyasına yaxın mənbə bildirib.
Mənbənin sözlərinə görə, hazırda Prezident Administrasiyasının müavinlik institutunun əsasnaməsi hazırlanır. “Əsasnamədə ölkənin milli təhlükəsizliyi və prezidentin qəbul etdiyi sənədlərin icrasına nəzarət mexanizminin daha çevik həyata keçirilməsi əksini tapacaq. Belə ki, administrasiya rəhbərlərinin müavinləri hərbi və təhlükəsizlik orqanlarının, yerli icra hakimiyyətlərinin, o cümlədən nazirlərin, komitə sədrlərinin və diplomatik missiyaların prezidentin qərarlarının yerinə yetirilməsi vəziyyətinə nəzarət etmək səlahiyyətinə malik olacaq. Müavinlər həmçinin hökumət qurumlarının, hərbi, təhlükəsizlik orqanlarının, diplomatik missiyaların işini koordinasiya edəcək. Bundan başqa onların birgə iştirakı ilə mütəmadi olaraq toplantılar keçirib ortaya çıxan problemlərin həlli üçün qərarlar qəbul etmək səlahiyyətinə malik olacaq”, - mənbə bildirib.
Xatırladaq ki, ötən həftə prezident İlham Əliyev Prezident Administrasiyasının rəhbərinin dörd müavinini təyin edib. Sərəncama görə, Əli Əsədov (prezidentin iqtisadi məsələlər üzrə köməkçisi), Novruz Məmmədov (xarici əlaqələr şöbəsinin müdiri), Zeynal Nağdəliyev (regional idarəetmə və yerli özünüidarəetmə orqanları ilə iş şöbəsi), Vahid Əliyev (prezidentin hərbi və təhlükəsizlik məsələləri üzrə köməkçisi) Prezident Administrasiyası rəhbərinin müavinləri təyin ediliblər. -03B-
-
- İqtisadiyyat
- 5 Dekabr 2012 11:03
-
- Cəmiyyət
- 5 Dekabr 2012 11:44
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz