Mətbuat-Monitorinq 05.12.14

Rəsmi qəzetlər dövlət başçısı İlham Əliyevin yol tikintisi ilə bağlı Yevlax rayonuna 3,8 milyon manat vəsait ayırması haqda sərəncamının mətnini ilk səhifələrdə yerləşdiriblər.

“Azadlıq” qəzeti Vaşinqtonda Riçard Kozlariç və Devid Kramerin iştirakı ilə Azərbaycana sanksiyalar məsələsinin müzakirəyə çıxarılması xəbərini ilk səhifəyə çəkib.

Dövlət başçısı İlham Əliyev parlamentə təklif edib ki,  KİV haqqında qanuna eyni media orqanı il ərzində məhkəmə qərarı ilə 2 dəfə cəzalandıqda onun fəaliyyətinə xitam verilməsi haqda məhkəməyə müraciət olunması barədə dəyişiklik qəbul etsin. Ekspertlər bu təklifi “müstəqil medianı susdurmaq üçün hökumətdən daha bir addım” kimi dəyərləndirirlər.

Qəzetdə PA-nın rəhbəri Ramiz Mehdiyevin “İkili standartlarla dünya nizamı və müasir Azərabycan” adlı məqaləsinə şərhlər və cavablar verilib. R.Mehdiyevin məqaləsində müxtəlif səpgili ittihamlar “rəsmi Bakının demokratik institutlara qarşı repressiyalarına haqq qazandırmaq cəhdi”, “böz kardinalın psevdo-müxalifətin ifşası, demokratik dəyərlərə savaşı” və s. kimi şərh olunub, indiki iqtidar ölkəni idarə edə bilməməkdə günahlandırılıb.

Ekspertlər oktyabr ayı ilə müqayisədə noyabr ayında kənd təsərrüfatı məhsullarının 4% bahalaşdığını bəyan edirlər.

“Ekspress”  Türkiyənin “Sabah” qəzetində DQR-in müstəqil dövlət kimi təqdim olunmasını “düşmən dəyirmanına su tökmək” sayaraq önə çəkib.

PA-nın şöbə müdiri Əli Həsənov Qərb mediasını islam dünyasında baş verən hadisələri “qərəzli” təqdim etməkdə suçlayaraq buna “qəzəblənib”.

Bazel konfransında çıxış edən Azərbaycan XİN başçısı Elmar Məmmədyarov ATƏT institutlarına “ikili standartlar”dan uzaq olmaq barədə “xəbərıdarlıq” edib.

Qəzetin yazdığına görə, ölkə vətəndaşları krediti vaxtından əvvəl bağlamaq istəməsi, bankların isə buna maraqlı olmaması problemini yaşayırlar.

“Novoe Vremya” ölkədə dəm qazından ölüm hallarının artması ilə bağlı “qaz təhlükəsizliyini necə təmin etməli?” sualını diqqət mərkəzinə çəkir.

“Bizim yol” keçmiş kənd təsəsrrüfatı naziri İrşad Əliyevin korrupsiya faktları ilə bağlı istintaqa çağırılmasını ilk səhifədə yerləşdirib.

Ekspertlər ölkənin tikinti bazarında bahalaşmaya əsas səbəb kimi icarə haqlarının bahalaşmasını, dövlət qurumlarının bazara müdaxiləsini, sifarişlərin kəskin azalmasını göstərirlər.  

“Yeni Müsavat”  “Ebola virusunun toyuq ətilə Azərbaycana gələ bilməsi” kimi “aktual” mövzunu ulk plan çıxarıb.

İtaliya mətbuatına istinadən qəzet bu ölkədə anarxistlərin Avropaya qaz nəqlini nəzərdə tutan TAP layihəsinin Azərbaycan ofisinə anti-TAP vərəqələri səpələyərək getdiklərini yazırlar.   

Parlamentin komitə sədri Əli Hüseynli Qərb ölkələrinin Azərbaycanda insan haqlarının yaxşılaşdırılması tələbli mövqeyinə “vicdansızlıq” təhqirilə cavab verib.