“Akkord” korporasiyası bir neçə müəssisənin strukturundan çıxdığını elan edib. Onlar noyabrın 28-dən iki müstəqil şirkət kimi fəaliyyət göstərir. Ötən il ayrı-ayrı istehsal və başqa müəssisələrin ayrılması ilə korporasiyanın holdinqə çevrilməsi strategiyası qəbul olunmuşdu.
Vergilər Nazirliyinin məlumatına görə, “Akkord” korporasiyasından aasfalt zavodu və metal konstruksiya istehsalı müəssisəsi ayrılıb. “Akkord Asfalt” MMC və “Akkord Steel Construction Company” MMC yaradılıb. Nəticədə «Akkord» korporasiyasının nizamnamə kapitalı 35 min manat azalıb və 74 112,5 min manatdır.
“Akkord Asfalt” MMC-nin tərkibinə 5 asfalt zavodu daxil olub. Onların ümumi gücü ildə 1,6 mln tondur. Gücü saatda 240 ton olan bir zavod bu ilin sentyabrında istismara verilib. Korporasiya həmçinin gücü ildə 70 min ton olan metal emalı və metal məmulatı istehsal edən bir neçə müəssisəyə nəzarət edirdi.
Bu il oktyabrın əvvəlində “Akkord Beton”, “Akkord Prefabrik” və “Akkord Mermer Qranit” zavodları yaradılıb. Ötən il korporasiyadan Qazax sement zavodu ayrılıb və “Qazax Sement Zavodu” MMC yaradılıb.
«Akkord» korporasiyası 2005-ci ildə yaradılıb. 6 ölkədə filial və nümayəndəliyi var, 8 SC və 16 şirkətdə pay iştirakına malikdir. Korporasiyaya “VİP Estate” MMC nəzarət edir. 08D
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz