Mətbuat-monitorinq 05.12.15

Rəsmi qəzetlər dövlət başçısı İlham Əliyevin Naxçıvan səfəri, parlamentdə “Dini ekstremizmə qarşı mübarizə haqqında” qanun layihəsinin qəbul edilməsi mövzularını ilk səhifələrdə yerləşdiriblər.

“Azadlıq” qəzeti “MTN işi” hadisələrinə hakimiyyətdaxili qruplaşmalarda birmənalı münasibət olmamasını qəzet ““MTN işi” ilə bağlı hakimiyyətdə qarşıdurma” kimi ilk səhifəyə çıxarıb.

Nəqliyyat naziri Ziya Məmmədovun oğlu Anar Məmmədovun təsisçisi olduğu “National Geographic Azerbaijan” və “National Geographic Azerbaijan Kids” jurnalları maliyyə problemlərilə bağlı fəaliyyətini dayandırıb.

Qəzet Nardaran hadisələrinin iştirakçılarının cəzalandırılmasını tələb edənlərə bu qətiyyəti dövlətə milyardlarla ziyan vuran MTN və Rabitə Nazirliyi hadisələrinin iştirakçılarına niyə göstərmədikləri sualını gündəmə gətirir.

Qəzetə görə, hüquq-mühafizə orqanlarının Nardaranda keçirdiyi xüsusi əməliyyatdan sonra ölkənin hər tərəfində “Müsəlman Birliyi” Hərəkatı üzvlərini həbsə alması bu əməliyyatın əsas hədəfidir. Rəsmi Bakının Nardaranı “üsyançı kənd” adlandırmasına cavab olaraq ekspertlər “bu necə üsyançı kənddir ki, burada seçkiləri YAP udur?”, - deyə rəsmi Bakını yalan danışmaqda ittiham edir. “Nardaran hadisələri” fonunda dini qanunvericilikdə müddəaların sərtləşdirilməsinə ekspertlər “insan həyatı, mülkiyyətə ziyan vurulması kimi konstitutsion hüquqların məhududlaşdırılması” adlandırıb.

“Ekspress” qəzeti terror törədən Azərbaycan vətəndaşının ölkə vətəndaşlığından çıxarılacağı haqda qanunvericiliyə edilməsi nəzərdə tutulan dəyişikliyi diqqət mərkəzinə çəkib.

Xəzər dənizində suyun çəkilməsini deyən ekspertlər gəmilərin limanlara yan ala bilməyəcəkləri xəbərdarlığı edirlər.  

“Novoe Vremya” qəzeti  dərsdən yayınan uşağa görə valideynin 100 manat cərimə edilməsi haqda qanuna dəyişikliyi “dövlətin valideyni manatla cəzalandırması” kimi ön plana çıxarıb.

Yağış sularının çəkilməsini təmin edən kollektorlar quraşdırılmaması üzündən paytaxt yollarını su basmasına qəzet “Bakısayağı kortəbii fəlakət” adlandırır. 

“Bizim yol” qəzeti “Günəşli” neft yatağındakı 10 saylı platformada güclü yanğını, neft daşlarında 3 nəfərin həlak olmasını “neft sektorunda ard-arda iki faciə” adı ilə ilk səhifəyə yeləşdirib.

OPEC-in neft hasilatını artırması qərarı verməsini ekspertlər neftin dəyərinin 35-36 dollara düşəcəyi kimi dəyərləndirirlər.

Qubanın Xınalıq kəndi üzrə icra nümayəndəsi Fizuli Şərifov dekabrın 2-də intihara cəhd edib, zəhər içən icra nümayəndəsi Bakıda xəstəxanadadır, intiharın səbəbi məlum deyil.

Şagirdin dərsdən yayınmasına görə valideynin cərimə olunmasına ekspertlər “bu, kimin ağılna gəlib, cərimə çıxış yolu yox, yeni rüşvət mənbəyidir” şərhi veriblər.

“Yeni Müsavat” qəzeti dini qanunvericiliyin sətrtləşdirilməsinə “terror Bakıda-Antiterror tədbirlərinə qanunvericilikdən başanıldı” mövqeyini önə çəkib.

Qəzet Türkiyə baş naziri Ahmet Davutoğlunun Bakı səfərini “Bakı-Ankara müttəfiqliyinin yeni mərhələsi” kimi dəyərləndirir. Ölkənin bir sıra ekspertləri Bakının Ankara ilə daha da yaxınlaşmasının “Kremli qəzəbləndirə biləcəyi”ni nəzərə çatdırırlar.  

Qarabağ Azadlıq Təşkilatı “Nardaran hadisələri” fonunda noyabrın 26-dan etibarən Nardaran kəndinə elektrik verilməsinin dayandırılmasına etiraz bəyanatı yayaraq, elektrik verilməsinin tezliklə bərpa olunmasını tələb edirlər. Nardaran ağsaqqalı Natiq Kərimov “bütün Azərbaycan xalqının işığa 53 milyon manat borclu olduğu halda təkcə Nardaranın 42 milyon manat borcu olmasını” cəfəngiyyat adlandırıb.

Ölkənin bank sistemindəki mövcud durumu və yaxın perspektivi təhlil edən ekspertlər “2016-cı il bank sektoru üçün ağır il olacaq” xəbərdarlığı edirlər.