Dəniz neftçıxarma platformalarında qəzaların tarixi haqqında

Son illər Azərbaycanda platformalarda qəzalar müntəzəm olaraq baş verir, bu da işlərin idarə edilməsində, habelə təhlükəsizliyin təmin edilməsində ciddi problemlər olduğuna dəlalət edir. Maraqlıdır ki, 1985-ci ildən (“Bahar” yatağında qaz quyusunda yanğın) 2012-ci ilə qədər belə bir qəza olmamışdı.

2014-cü il oktyabrın 23-də N.Nərimanov adına NQHİ sahəsində (Bakıdan 40 km cənubda) 441 nömrəli platformanın uçması və yanğın zamanı ciddi qəza baş verib. Həmin vaxt SOCAR platformasında 41 neftçi var idi. FHN əməkdaşları 37 nəfəri təxliyə edib. Dənizdə batan dörd neftçidən üçünün cəsədini hadisə yerindən 2 km məsafədə tapmaq mümkün olub.

2013-cü il avqustun 17-də SOCAR obyektində daha böyük FH – kəşfiyyat məqsədli qazma zamanı 90 nömrəli quyunun “Bulla-dəniz” platformasında qəza baş verib. Həmin vaxt Bakıdan 80 km məsafədə açıq dənizdə yanğının söndürülməsi üçün üç ay və xarici şirkətin, habelə FHN qüvvələrinin və AR Sərhəd Qoşunlarının hərbi gəmilərinin köməyinə ehtiyac olub. Qəza qurbansız ötüşüb.

Azərbaycan Neftçilərinin Hüquqlarını Müdafiə Komitəsinin rəhbəri Mirvari Qəhrəmanlı hesab edir ki, yanğına insan amili səbəb olub, daha dəqiq isə, hadisə Kompleks Qazma İşləri İdarəsinin rəhbərinin təqsiri ucbatından baş verib.

Keçmişdə dəfələrlə əlavə gəlir əldə edilməsi məqsədilə qaydalara zidd olaraq platformaların əsaslı təmir müddətinin təxirə salındığı hallar qeydə alınıb. -0-