Mətbuat-Monitorinq 06.08.13
Rəsmi və iqtidaryönlü qəzetlər dövlət başçısı İlham Əliyevin Cəlilabad rayonunun sosial inkişafı ilə bağlı 2 milyon manat vəsait ayırması haqda sərəncamının mətnini dərc ediblər.
Bununla yanaşı bu qəzetlər ölkənin protest elektoratını öz ətrafında birləşdirən Milli Şuranın fəaliyyətinə dair təhrif edilən çoxsaylı yazılar dərc ediblər.
“Azadlıq” ölkənin protest elektoratını birləşdirən Milli Şuranın prezidentliyə vahid namizədi Rüstəm İbrahimbəyovun Rusuya vətəndaşlığından çıxması ilə bağlı prosesin sürətlənməsi haqda bəyanatını manjetə çıxarıb.
Biləcəri qəsəbə sakinləri gənc qızı avtomobil vurmasına etiraz olaraq yolu bağlayaraq piyada keçidi tikilməsi tələbilə aksiya keçiriblər.
Avqustun 3-də yol qəzalarında təkcə 5 nəfərin həlak olmasını qəzet “yol qırğını” adlandırır.
Ali məktəbə daxil olsa da ailəsinin maddi imkansızlığı üzündən təhsil ala bilməyəcəyi üçün Gəncə şəhər sakini Vüsalə Fərzəliyeva intihar edib.
Rüstəm İbrahimbəyovun prezidentliyə namizədliyinin qeydə alınmasında problem yarana biləcəyini nəzərə alaraq İsa Qəmbərin digər bir namizədlə çıxış edilməsi barədə təkifi qurumda birmənalı qarşılanmayıb.
Təbrizdəki Şəhid Mədəni xəstəxanası azərbaycanlı ailə pulu tam tərkibdə köçürə bilmədiyi üçün 5 aylıq körpəni girov saxlayaraq ailəsinə vermir.
Azərbaycan törədilən qətl cinayətlərinə və hər 100 min nəfərə düşən məhbus sayına görə Avropanın üçüncü ölkəsi olub, hüquqşünaslar isə bu duruma “əgər bütün cinayətlər qeydə alınsaydı ölkə birinci olardı” bəyanatını səsləndiriblər.
“Zerkalo” RF-Azərbaycan münasibətlərinə toxunaraq bü münasibətlərdə Rusiyanın nələrisə qazana biləcəyini inkar etməsə də birbaşa rus təcavüzü olmasa Azərbaycanın xarici siyasət kursunu dəyişməyin mümkünsüz olduğunu bildirir.
Azərbaycan XİN-in potensial “non qrata” axtarışında olmasına qəzet “siyahı genişlənir” mövqeyini ifadə edir.
“Ekspress”. Litvanın Azərbaycan səfirinin istefasına səbəb olan danşıqların yayılmasını Litva prezidentinin “Vilnüsə qarşı təxribat və diplomatik ədəbsizlik” kimi dəyərləndirib.
“Exo” Bakıda ən bahalı mənzillə ən ucuz mənzilin kvadratmetri arasındakı fərqin 3700 manat təşkil etdiyini nəzərə çatdırır.
Qəzet Rusiyadan deportasiya edilən Azərbaycanın 20 vətəndaşının vətənə gəldiklərini yazır.
“Bizim yol” qəzetinin yazdığına görə, Bərdə Rayon İcra Hakimiyyətinin başçısı Vidadi İsayev borclu olduğu sahibkarların hücumuna mıəruz qalaraq döyülüb.
Aydınlar Partiyasının sədri Qulamhüseyn Əlibəyli R.İbrahimbəyovun namizədliyinin irəli sürülməsinə “özünə hörmət edən siyasi qurum ikili vətəndaşlığı olan şəxsi irəli sürməməli idi” bəyanatını səsləndirib.
“Yeni Müsavat” Bakıya gələ bilmədiyi halda prezident seçkilərində Rüstəm İbrahimbəyovun İsa Qəmbər və ya Elda Namazovun namizədlyini dəstəkləyə biləcəyi iddiasını “İbrahimbəyov-Qəmbər anlaşmasının şok detalları adlandırır.
Sənaye və energetika naziri Natiq Əliyevlə ARDNŞ prezidenti Rövnəq Abdullayevin biznes maraqlarının toqquşduğunu yazan qəzet nazir oğlunun neft şirkətini məhkəməyə verdiyi bildirilir.
Mili Şura icra aparatının rəhbəri Eldar Namazova görə qurum daxilində problemlər yaşanması Milli Şuranın vaxtında elan olunmaması ilə bağlıdır.
Mərkəzi Seçki Komissiyası prezident seçkilərində təbliğat-təşviqat xərclərini prezidentliyə namizədin özünün təşkil edəcəyi, dövlətin buna pul ayırmayacağını nəzərə çatdırır.
Nəqliyyat Nazirliyi Ramazan bayramı münasibətilə paytaxt sakinlərini 50-yə yaxın marşrut avtobuslarından ödənişsiz istifadə edəcəyi barədə bəyanat yayıb.
-
- Bazarların icmalı
- 6 Avqust 2013 07:14
-
- Siyasət
- 6 Avqust 2013 11:48
Cəmiyyət
-
Azərbaycan hakimiyyətinin təmsilçiləri tez-tez xalqın onlara yüksək dəstəyindən bəhs edirlər. Onların opponentləri isə hesab edirlər ki, ölkədə azad və ədalətli seçkilər olmadığından xalqın gerçəkdə kimi müdafiə etdiyi mübahisəli məsələdir.
-
Yanvarın 24-də Bakıda hava tutqun, yağıntısız olacaq. Cənub-qərb küləyi gündüz şimal-qərb küləyi ilə əvəz olunacaq. Gecə 5-8 dərəcə, gündüz 8-11 dərəcə isti olacaq. Nisbi rütubət 70-80% təşkil edəcək.
-
Yanvarın 20-də "Lənkəran" sərhəd dəstəsinin xidməti ərazisində ümumi çəkisi 80 kiloqram 685 qram narkotik vasitə (77 kq 645 qram marixuana, 3 kq 35 qram heroin, 5 qram tiryək),1000 ədəd narkotik tərkibli metadon M-40 və 245 ədəd müxtəlif tərkibli dərman həbinin qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınıb.
-
Artıq bütün Azercell müştəriləri süni zəka texnologiyasına əsaslanan “AI Chat Bot” xidmətindən yararlana bilərlər Azercell-in süni zəka texnologiyası əsasında işləyən innovativ “AI Chat Bot” xidməti artıq iOS istifadəçiləri üçün də əlçatandır. Abunəçilərə ən üstün müştəri təcrübəsini təqdim etməyə yönəlmiş yeni həll müştəri sorğularını 24/7 rejimində operativ şəkildə cavablandırır.
Rəy yaz