Ceyms Vorlik ATƏT-in Minsk Qrupunun yeni amerikalı həmsədridir

Avqustun 5-də ABŞ karyeralı diplomat Ceyms Vorlikin ATƏT-in Minsk Qrupunun Amerikadan olan həmsədrini təyin etdiyini bildirib. 

Turan-ın Vaşinqton müxbirinin məlumatına görə, C.Vorlik sentyabrda öz vəzifəsinin icrasına başlayacaq. O, bu postda Yan Kellini əvəz edəcək. Y.Kelli isə Robert Bradtkedən sonra bu posta gəlib.

“Səfir Vorlik Avropa və Asiya üzrə zəngin təcrübəyə malikdir,  birinci dərəcəli diplomatdır və bu məsuliyyətli işə ciddi töhfə verir”, - dövlət katibi Con Kelli bildirib.  

Dövlət Departamentinin məlumatına görə, C.Vorlik əvvəllər ABŞ-ın Əfqanıstanda və Pakistandakı xüsusi nümayəndəsinin müavini olub, Əfqanıstanla təhlükəsizlik üzrə ikitərəfli sazişin bağlanması zamanı əsas təmsilçi olub. O həmçinin ABŞ-ın Bolqarıstandakı səfiri vəzifəsində çalışıb, Dövlət Departamentində məsul postlar tutub.

Dövlət katibi Kelli öz bəyanatında ABŞ-ın Qarabağ nizamlanmasında tərəflərə dəstəyini davam etdirməyə sadiq olduğunu təkrar edib.

“Prezidentlər Obama, Putin və Oland 18 iyun tarixli birgə bəyanatda tərəfləri mübahisəli məsələlərin həllinə diqqət yetirməyə və xalqları müharibəyə yox, sülhə hazırlamağa çağırıblar.

Səfir Vorlik zəngin təcrübəyə malikdir və tərəflərin  məqsədə çatmasına yardım etmək üçün öz təcrübəsindən istifadə edir”, -Kellinin bəyanatında deyilir. -25V-