Mətbuat-Monitorinq 06.09.12

Rəsmi qəzetlər dövlət başçısının Səbayel və Yasamal rayonlarında iki məktəbin təmir və yenidən qurulmasından sonra açılışında iştirakını ilk səhifələrə çıxarıblar. 

Rəsmi qəzetlər Açıq Hökumətin təşviqinə dair 2012-2015-ci illər üçün Milli Fəaliyyət Planını, Korrupsiyaya qarşı mübarizəyə dair 2012-2015-ci illər üçün Milli Fəaliyyət Planının mətnini dərc ediblər. 

“Azadlıq” qəzeti vergilər naziri Fazil Məmmədovun nazir Kəmaləddin Heydərovun bu sistemdəki adamlarını işdən çıxarmasını manjetə çılxararaq bunu “iki nazir arasında savaşın dərinləşməsi” kimi dəyərləndirir. 

Qəzet hakim Əliyevlər ailəsi üzvlərinin fotoları fonunda ölkədə korrupsiyanın həddən artıq yüksək olmasına ölkəni ironiya ilə “Korruptistan” adlandırmaqla nəzərə çatdırır. 

Nəqliyyat Nazirliyi departamenti əməkdaşlarının Hövsan qəsəbəsində bir neçə sürücünün vəsiqələrini qanunsuz olaraq əllərindən alması qəsəbədə 200-ə yaxın sakinin etiraz aksiyasına səbəb olub.   

“Zerkalo”  rəsmi Tehranın Azərbaycanın iki şairini 4 ay casusluq ittihamı ilə  həbsdə saxlayandan sonra azadlığa buraxmasını “ya qardaşlıq hissi və ya islam xeyirxahlığı” ilə izah etməsini həbsin əsassızlığı kimi dəyərləndirir. 

“Ekspress” qəzeti Azərbaycanın bu günlərdə İranda həbsdən azad edilən iki şairinin 4 aylıq həbsinin əsaszılığını  “şairlərin girovluqda saxlanmaları” kimi dəyərləndirir. 

Təhsil naziri Misir Mərdanov şagird kontingenti az olan məktəblərin birləşdirilməsi haqda dövlət rəhbərliyinə təkliflər göndərib. 

“Exo”  Ümumdünya iqtisadi forumunun qlobal reytinqində Azərbaycanın 138 ölkə arasında 46-cı yeri tutmasını ilk plana çıxarıb. Qəzet Bakı metropoliteninin “20 yanvar-Dərnəgül” stansiyalarının sentyabrın 6-dan 10-na kimi yeni xəttin çəkilşilə bağlı sərnişinlər üçün bağlı olacağını bildirir.  

“Novoe Vremya” yazır ki, Türkiyənin baş naziri Rəcəb Təyyub Ərdoğan Türkiyə Cümhuriyyət Partiyasını 148 Azərbaycan ziyalısını 1945-ci ildə Stalin rejiminə təhvil verməkdə ittiham edib. 

“Bizim yol” qəzeti leykoz xəstəsi olan uşağın xəsztəxanadan qovulmasına diqqət çəkərək bu faktı “ölkə səviyyəsüində utanverici olay” adlandırır. 

Avqustun 31-də Lökbatandakı yol-nəqliyyat qəzasında həlak olanların ailələrinə 5 min, yaralılara 500 manat maddi yardım göstərilir.  

“Yeni Müsavat” ABŞ-ın Azərbaycanda səfiri Morninqstarın Heydər Əliyevin heykəli önündə baş əyməsini, prezident Obamanı tənqid hədəfinə çevirməsini ilk səhifəyə çıxarıb. Qəzetə şərh verən vətəndaş cəmiyyəti fəalları zabit Ramil Səfərovun azadlığa buraxılması fonunda Qarabağ döyüşlərində iştirak edənlərin, siyasi məhbusların azadlığa buraxılması fikrini səsələndiriblər. Ramil Səfərovun azad olunması ilə bağlı ekspertlər qəzetə şərhlərində erməni-terror təşkilatı ASALA-nın Azərbaycan diplomatlarına terror hədəsini real sayaraq bu barədə Macarıstan kəşfiyyatının məlumatlandırıldığını nəzərə çatdırıblar.     

“Baklı Xəbər” uşaqlara verilən ərzağın mənimsənilməsi, bağçaya nəzərdə tutulandan daha çox uşaq qəbul edilməsi faktları ilə bağlı Bakı Şəhər İcra Hakimiyyətinin Nəsimi və Nərimanov rayonlarındakı 10 bağça müdirlərinin işdən çıxarıldığını, materialların ölkə prokurorluğuna göndərildiyini yazır.