Mətbuat-Monitorinq 06.12.14

Rəsmi qəzetlər dövlət başçısı İlham Əliyevin Qazax rayonunun Qazax-Quşçu Ayrım avtomobil yolunun tikintisilə bağlı 1,7 miylon manat ayrılması haqda sərəncamının mətnini ilk səhifələrdə yerləşdiriblər.

Bundan əlavə, bu qəzetlərdə beynəlxalq qurumlara ikili standart siyasəti yürütmələri itithamları, PA-nın rəhbəri Ramiz Mehdiyevin “İkili standartların dünya düzəni və müasir Azərbaycan” adlı iri həcmli məqaləsinin QHT və dodnorlara “xəbərdarlıq olması” haqda hədə-qorxuları da ilk sırada yer alır.

“Azadlıq” qəzeti tanınmış jurnalist Xədicə İsmayılın özünü öldürmək həddinə çatdırmaq ittihamı ilə həbs olunması xəbərini manjetə çıxararaq, həbsi “İlham Əliyevin jurnalistdən yazdığı araşdırma yazılarının qisasını alması” sayır.

Qəzet Masallıda bələdiyyə seçkilərinə qatılan Ziyalıдar Birlшyinin sədri Məmmədağa Eynullayevin namizədliyinə imza atan şəxslərə rayon icra başçısının göstərişilə təzyiqlər olunduğunu yazır.

11 il həbs cəzası alaraq 13 saylı həbsxanada dustaq olan ruhani Abgül Süleymanov “daxili nizam-intizamı pozması” adı ilə 1 il müddətinə Qobustan qapalı həbsxanasına göndərilir.

“Ünvansız söyüş” adı ilə 25 sutka cəza çəkən və bu yaxınlarda azad olunan “Azadlıq” qəzetinin əməkdaşı Xalid Qarayev izlənməsi, ona qarşı yeni təxribat hazırlanması haqda qəzetə açıqlama verib.

“Front Line Defenders” hüquq-müdafiə təşkilatı həbsdə olan hüquq müdafiəçisi Leyla Yunusa müraciət edərək, ona lazım olan tibbi müalicəni təmin etməyənləri “insanlıq hissindən məhrum olanlar” adlandırıb.

Dövlət başçısı İlham Əliyevin medianın cəzalandırılmasını asanlaşdırmaq üçün KİV haqqında qanunda dəyişikliklə bağlı paralmentə göndərdiyi təklifi qəzet “absurd” adlandırır.

Depuatat Vahuid Əhmədov Rusiyadakı böhranın Azərbaycana mənfi təsir edəcəyi, sanksiyalar davam etdiyi halda 2015-ci ilin II yarısında vəziyyətin gərginləşəcəyi proqnozu verib.  

“Ekspress” qəzeti Rusiya tərəfin ATƏT sədrinin xüsusi nümayəndəsi Andrey Kasprşikin Qarabağ münaqişəsinin həlli istiqamətindəki “fəaliyyəti”nə görə mükafatlandırılmasını “zarafat kimi təltif” adlandırır.

Torpaq Komitəsinin sədri Qərib Məmmədov yararlı torpaqları özbaşına zəbt edərək ev, obyekt, istirahət zonası tikənlərin yüksək həcmdə cərimə olunacaqları bəyanatı səsləndirib.

“Novoe Vremya” qəzeti GUAM təşkilatının ünsiyyət dili kimi ingilis dilini seçməsinə əsəbiləşərək, “necə oturması, hansı dildə danışmasından” asılı olmayaraq qurumu “olü doğulmuş” adlandırır.

Qarabağ probleminin yaranmasının səbəbkarı olan Rusiya əvvəlki kimi münaqişənin “tənzimlənməsinə” şərait yaradacağı bəyanatı verir.

“Bizim yol” qəzeti deputat Novruzəli Aslanovun 10 miylon manat dəyəri olan müəssisəsini Xətai rayon icra hakimiyyətinə 20 min manata satmasını önə çəkib.

Rusiya banklarının beynəlxalq “SWİFT”sistemindən kənarlaşdırılması səylərinə toxunan ekspertlər bu addımın Azərbaycana da zərər vuar biləcəyi qənaətindədirlər.

“Yeni Müsavat” qəzeti jurnalist Xədicə İsmayılın həbsini ilk səhifəyə çıxararaq, həbsi “məşhur jurnalistlə bağlı iqtidarın son qərarı” kimi dəyərləndirir.

X.İsmayılın vəkil Elton Quliyev jurnalistə qarşı ittihamları əsassız, absurd adlandırıb.

Dövlət başçısı İlham Əliyevin medianı cəzalandırmağı asanlaşdırmaq üçün KİV haqqında qanuna verdiyi dəyişiklik  təklifini media təmsilçiləri “tək-tük müstəqil media qurumlarını susdurmaq üsulu” kimi qiymətləndiriblər.

Qəzet ABŞ-Azərbaycan münasibətlərinin gərgin olduğu indiki vaxtda Vaşinqtonda Azərbaycana qarşı sanskiyaların gündəmə gətirilməsini xatırladır.

Qəzet mərhum şair Əliağa Kürçaylının nəvəsi Əliağa Kürçaylının yol polisini maşınla vurub qaçdığına görə həbs edildiyini yazır, polis orqanları onun bu hərəkəti narkotik və spirtli içkinin təsirilə etdiyini bildirir.