Mətbuat-Monitorinq 07.06.14

Rəsmi qəzetlər Türkiyədə Türk Dövlətləri Əməkdaşlıq Şurasının iclasını önə çəkərək qurumu “ortaq dəyərlərə söykənən bilrik” adlandırır və “qurumun artıq güclü beynəlxalq təşkilata çevrilməsi”ni iddiasını ilk səhifələrə çıxarıblar.

“Azadlıq” qəzeti Azərbaycanda vətəndaş cəmiyyətinin boğulmasını əsas gətirən ABŞ-ın ATƏT təmsilçisinin Azərbaycan iqtidarını “regional təhlükə mənbəyi” elan etməsini manjetə çıxarıb.  

Qəzet diqqəti RF FTX rəhbəri Bortnikovun MDB məkanında hakimiyyətləri ələ keçirmək istəyn qüvvələr olması və onlara qarşı sərt davranılacağı kimi sensasiya sayılacaq bəyanatına cəlb edir.

Hazırda mühakiməsi gedən bloger Ömər Məmmədov rəsmi Bakının əfv ərizəsi yazmaq təklifindən imtina edib.

Siyasi məhbuslarla bağlı Berlində beynəlxalq tədbirdə iştirak etmiş jurnalist Xədicə İsmayıla görə, tədbirdə Avropanın Azərbaycana münasibətini sərtləşdirməsi əsas fikir olub.   

Ölkənin bank sistemində durumu təhlil edən ekspertlər zərərlə işləyən bankarlın sayının 11, bu zərərlərin 34 milyon manat olması, problemli kreditlərin həcminin isə 1 milyard manata çatdığını bildirirlər.

ARDNŞ-in ölkədə satılan benzinin keyfiyyətsiz olması haqda bəyanatını deputat Vahid Əhmədov “benzinin yenidən bahalaşacağına işarə” adlandırıb.

“Ekspress” qəzeti iyunun 8-də orta məktəblərlərdə ilk buraxılış imtahanının olacağını və imtahanlara 70 mindən artıq şagiridn qatılacağını yazır.          

Deputat Arif Rəhimzadə Avropa qururmlarının tələbi olmasına baxmayaraq  Bakı Şəhər Böyük Bələdiyyəsi yaradılmamasını bu idarəetməyə xalq və bələdiyyələrin hazır olmaması ilə “əsaslandırmaq” istəyib.    

“Novoe Vremya” qəzeti Avropada mühacirətdə olan tanınmış Azərbaycan hərbçisi, polkovnik İsa Sadıxovun hansısa batalyon tərkibində Ukryana tərəfdən döyüəcəyi haqda mətbuatdakı yazılara “ağlını itirmiş keçmiş Azərbaycan hərbçisi Donbasa can atır” kimi həqarətli cavab verir. 

“Bizim yol” qəzeti RF FTX rəhbərinin Rusiya kəşfiyyatının postsovet ölkələrində antinqliab hazırlaması haqda bəyanatını ilk səhifəyə çıxararaq bunu “sensasiyalı bəyanat” adlandırır.

“Yeni Müsavat” qəzeti ABŞ-ın ATƏT təmsilçisinin Azərbaycandakı durumu “region üçün təhlükə” sayması bəyanatını önə çəkərək bunu rəsmi Bakının ünvanına ABŞ-dan “daha bir sərt bəyanat” kimi dəyərləndirir.

12 saylı həbsxanada işgəncə, korrupsiya və narkomaniya birabırçılına cavab olaraq dustaqlar dövlət başçısını bu həbsxanaya dəvət ediblər.

Avropada əhalinin 15-20%, Azərbaycanda isə cəmi 5 % -nin yoxsul olması haqda rəsmi Bakının bəyanatına ekspertlər “orada evə, avtomobilə, hər cür sərvətə malik, amma bahalı sosial xidmətlərə çıxışları olmayanlar yoxsul sayılır, bizdə isə ətçəkən və ya paltaryuyan maşını olan yoxsul sayılmır” cavabı veriblər.

Bu ilin 4 ayında ölkənin yollarında baş verən 735 qəzada 313 nəfərin ölməsini, 746 nəfərin yaralanmasını qəzet “müharibə kimi yol qəzaları” adlandırır.