Mətbuat-Monitorinq 07.09.12

Rəsmi qəzetlər İlham Əliyevin qəbulları haqda yazıblar, bəzi fərman və sərəncamların mətnlərini dərc ediblər. 

“Azadlıq” qəzeti düşdüyü ağır maddi durumla bağlı oxuculara və ölkə vətəndaşlarına qəzetin xeyrinə maddi dəstək kampaniyasına başlamaq xahişi ilə müraciət edib. Vətəndaş cəmiyyəti fəalları vətəndaşlara bu kampaniyaya qoşulmaq çağırışı edirlər.

Qəzet Heydər Əliyevin heykəli önündə əyildiyinə görə “The Vaşinqton Tayms” və CNN ABŞ-ın Azərbaycan səfiri Morninqstarı kəskin tənqid etdiklərini bildirir. 

İqtidar mənsublarının özbaşınalığına diqqət çəkən qəzet Zərdab rayon icra başçısı Lütfəli Babayevin iş adamı Fəqan Nəsibovun 65 min dollar vəsaitini mənimsədiyini bildirir.

Casusluq ittihamı ilə İranda 4 aylıq həbs həyatı yaşayan Azərbaycan şairləri Şəhriyar Hacızadə və Fərid Hüseyn vətənə dönəndən sonra qəzetə azad olunmalarına “İran tərəf anladı ki, düzgün hərəkət etmir...” şərhi veriblər. 

“Zerkalo” qəzeti 2010-cu ilin may daşqınlarında əziyyət çəkən Saatlı rayonun bir qrup sakininin yerli məmurların sel daşqınları üçün ayrılan vəsaitləri mənimsəmələrinə etiraz olan aksiyasında 10 sakinin saxlandığını yazır.  

“Ekspress” qəzeti Azərbaycanda İsrail futbol komandasına terror ola biləcəyini yazan İsrail mətbuatının komandanın futbol meydançasına birbaşa bunkerdən çıxacağını yazdığını nəzərə çatdırır. 

“Exo” qəzeti ekspertlərə isnadən paytaxt Bakıya yolların darısqallığı nəzərə alınaraq indiki 15 metrlik “buzqıran”ların yox, 20 yerlik avtobusların lazım olduğunu qeyd edir. 

“Novoe Vremya” qəzeti ABŞ-ın Azərbaycan səfiri Morninqstarın Heydər Əliyevin heykəli önündə baş əyməsinə “Riçard Morninqstar Stenli Eskuderonun yolunu davam etdirəcəkmi?” - deyə səfir olmuş S.Eskuderonun prinsipsizliyini nəzərə çatdırır. 

Ölkədə korrupsiyaya qarşı mübarizə ilə bağlı bir neçə proqram qəbul edilsə də, gerçək mübarizə olmadığını qəzet “yaxşı, bəs, korrupsiya ilə mübarizə hanı?” sualının gündəmə gətirir.  

“Bizim yol” qəzeti AŞPA-nın zabiti Ramil Səfərovun həbsini tələb etməsini yazaraq, zabitin yerinin bilinmədiyini nəzərə çatdırır. 

Qəzet avqustun 31-də Lökbatan qəsəbəsində baş vermiş yol-nəqliyyat qəzasında rəsmi siyahıya salınmayan 7-ci qurban Leyla Nəriman qızının adını çəkir.

Eks-prezident Əbülfəz Elçibəyin oğlu Ərturqut Əliyev qəzetə açıqlamasında yaxın aylarda eks-prezidentlər haqqında qanunun tələblərindən yararlana bilmədiyi halda Elçibəy ailəsinin Azərbaycandan köçəcəyini bəyan edib. 

“Yeni Müsavat” qəzeti casusluq ittihamı ilə İranda 4 aylıq həbs həyatı yaşayandan sonra azad edilərək vətənə dönən şairlər Şəhriyar Hacızadə və Fərid Hüseynin xarici işlər nazirilə görüşəcəyi, MTN-in nəzarətindən keçəcəyini nəzərə çatdırır. 

Qəzetin yazdığına görə, 2010-cu ilin sel daşqınlarının nəticələri aradan qaldırılmamış Sabirabadın Yuxarı Axtaçı, Mürsəlli və Ulacalı kənd sakinləri Bakıya yürüşə hazırlaşırlar. 

Yeni yaranmış Demokratik Qüvvələrin Məşvərət Məclisinə qoşulmağa dəvət edilən, amma bununla razılaşmayan partiyalar bu birliyi “müxalifətin parçalanmasına səbəb olan qurumlar” adlandırıblar.