![Mətbuat-Monitorinq 07.09.13](https://turan.az/resized/750/500/resize/media/2013/main/090700048769.jpg)
Mətbuat-Monitorinq 07.09.13
Rəsmi və iqtidaryönlü qəzetlər dövlət başçısı İlham Əliyevin Lənkəran şəhərində ölkənin cənub bölgəsinin gənclərilə görüşünü ilk səhifəyə çıxaırb.
Bundan əlavə, bu qəzetlər Salyan rayonunu sosial iqtisadi inkişafı üçün 2 milyon, Salyanda yol abadlığı üçün 2 milyon, Kür üzərində yeni körpünün tikintisi üçün 1 milyon, Salyan-Şirvan avtomobil yolunun qurulması üçün 1 milyon manat ayrılması haqda sərəncamının mətnini dərc ediblər.
“Azadlıq” qəzeti Milli Şuranın prezidentliyə vahid namizədi Cəmil Həsənlinin Beynəxalq Bankdakı seçki hesabına pul köçürmələrində problem yaradılıdığını bildirir.
“EL” Hərəkatının rəhbəri Eldar Namazov “Yeni Müsavat” qəzetinin redaktoru Rauf Arifoğlunun prezidentliyə namizəd Cəmil Həsənlini “EL”dən “qorumaq” cəhdini “kənardan səmimi görünməməsi” kimi dəyərləndirib. R.Arifoğlu onu iqtidara işləməkdə ittiham edən Açıq Cəmiyyət, Liberal partiyaları və “EL” Hərəkatını məhkəməyə verəcəyi ilə hədələyib.
Bir qrup dindarın məhkəmə prosesində şahidə suallar verdiyinə görə hakimin barəsində cinayət təqdimatı qaldırdığı vəkil Yalçın İmanov hakimin addımını “müstəqil vəkillərin təqibi və cəzalandırılması prosesi” adlandırıb.
Qəzet Bakı şəhər meriyasının tabeliyinə verilmiş məktəbəqədər tərbiyə müəssisələri sistemini Təhsil Nazirliyinin yenidən öz tabeçiliyinə qaytarmağı planlaşdırdığını bildirir.
“Zerkalo” qəzeti yazır ki, İslam Partiyası 2013-cü il prezident seçkilərində Ədalət Partiyasının namizədi İlyas İsmayılova dəstək verməsini partiyanın onun ədliyyə naziri olarkən qeydə alınması ilə “əsaslandırıb”.
“Ekspress” qəzeti yazır ki, Milli Şuranın sədri Rüstəm İbrahimbəyov prezident seçkilərinə qatıla bilmədiyi üçün indiki halda Rusiya vətəndaşlığından çıxıb-çıxmamasının bir əhəmiyyəti qalmadığını bəyan edib.
“Novoe Vremya” qəzeti hakerlərin “Azərenerji”nin məlumat bankından məxfi sənədləri açmasına və məmurların dövlət vəsaitlərini şəxsi məqsədlər üşün xərcləməsinə dair faktlara “oliqarx məmurlar bizim hesabımıza necə kef edirlər?” sualı ünvanlayır.
Rusiya Siyasi konyuktura mərkəzinin rəhbəri Sergey Mixeyev Qarabağ məsələsinə istər Azərbaycanın, istərsə də Ermənistanın “tarixi torpaqlar” rakursundan baxdığı üçün problemi heç bir vasitəçinin həll edə bilməyəcyini deyib.
“Yeni Müsavat” qəzeti hadisənin şahidlərinə isnadən Milli Şuranın prezidentliyə vahid namizədi Cəmil Həsənlinin seçki hesabına pul köçürülməsində Beynəlxalq Bankın Binəqədi, Yasamal, filiallarında ciddi əngəllər törədildiyini yazır.
Müxalifət qəzetlərinə davamlı haker hücumlarının arxasından “Naxçıvan xanı” Vasif Talıbov çıxıb və bu məqsədlə Türkiyədə ofis qurdurub.
Qəzet azərbaycanlı məmurun Riqada 16 milyon dollara otel aldığını, onun biznesinə Latviyanın keçmiş XİN başçısının nəzarət etdiyini nəzərə çatdırır.
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz