![Gürcüstan Abxaziyadan dəmir yolunun açılması haqqında bəyanatı təkzib edir](https://turan.az/resized/media/2013/main/090700048770-750-500-resize.webp)
Gürcüstan Abxaziyadan dəmir yolunun açılması haqqında bəyanatı təkzib edir
Sentyabrın 6-da Gürcüstan hakimiyyəti bəyanatla çıxış edərək, Ermənistan Təhlükəsizlik Şurasının katibi Artur Baqdasaryanın rəsmi Tbilisinin Abxaziyadan keçən dəmir yolu əlaqəsinin bərpasına razı olduğu haqqında iddialarını təkzib edib, xəbəri Civil.ge yayıb.
“Gürcüstan hakimiyyəti əvvəl də bu mövzuda maraqlı olduğunu bildirib və indi də bu təşəbbüsün müzakirəsinə hazırdır. Lakin bu, o demək deyil ki, artıq hər-hansı qərar qəbul edilib”, deyə bəyanatda bildirilir.
Baş nazir Bidzina İvanişvili hələ 2012-ci il parlament seçkiləri öncəsi seçkiqabağı kampaniya çərçivəsində Abxaziyadan keçən dəmir yolunun bərpasına hazır olduqlarını ifadə edib. Bu ilin yanvar ayında Ermənistana səfəri çərçivəsində o, həmçinin bildirib ki, Gürcüstan və Rusiya arasında separatçı Abxaziyadan keçən dəmir yolu əlaqəsinin bərpasını mümkün hesab edir, lakin əlavə edib ki, Rusiya ilə problemli münasibətlər və “qardaşlarımız, abxazlarla o qədər də sadə olmayan münasibətməsələrlə əlaqədar” məsələnin həlli asan deyil. Sonuncu dəfə İvanişvili mart ayında bu mövzuya toxunub, hökumətin dəmir yolunun bərpası məsələsinə ehtiyatla yanaşdığını bildirib.
“Biz təsdiq edirik ki, Gürcüstan hökuməti dəmir yolu əlaqəsinin bərpası məsələsini tədqiq edir və bunun maraqlı ola biləcəyini hesab edir, amma qərar qəbul edənə qədər uzun yol keçilməlidir. O cümlədən, çox sayda siyasi və texniki məsələləri aydınlaşdırmaq lazımdır, həmçinin müzakirələr aparılmalı və ictimai rəy formalaşdırılmalıdır”, deyə bəyanatda bildirilir.
“Bu mərhələdə Gürcüstan hakimiyyəti Abxaziyadan keçən dəmir yolu əlaqəsinin bərpası ilə bağlı heç bir rəsmi qərar qəbul etməyib və hansısa bəyanatlar vermək tezdir”, deyə Gürcüstan hökuməti bildirir.
Eyni zamanda, Gürcüstanın xarici işlər naziri Maya Pancikidze bu məsələ ilə bağlı şərh verib, o, Latviyada səfərdə olan baş nazir İvanişvilini müşaiyət edir. O bildirib ki, hansısa icazə verilməsi və ya razılıq əldə olunması haqqında yayılmış informasiya “həqiqət deyil”.
Rusiya xarici işlər nazirinin müavini Qriqori Karasinlə iqtisadi məsələlər üzrə ikitərəfli danışıqlar aparan Gürcüstan baş nazirinin Rusiya ilə münasibətlər üzrə xüsusi nümayəndəsi Zurab Abaşidze bildirib: “Biz Rusiya ilə Abxaziyadan keçən dəmir yolunun açılışı haqqında danışmırıq”.
“Cənab Karasinlə dialoqum formatında bu mövzuya ümumiyyətlə baxılmayıb”, deyə o bildirib. “Lakin əgər Rusiya tərəfindən hər-hansı təşəbbüs olsa, təklif olsa, biz onların bu dəmir yolunun bərpasını necə gördüklərini dinləməyə hazırıq; biz demirik ki, heç vaxt danışmayacağıq, Gürcüstanın ərazi bütövlüyü prinsiplərinə söykənərsə, bu haqda danışa bilərik”.
Milli Təhlükəsizlik Şurasının katibi, Saakaşvili prezidentinin yaxın müttəfiqi Giqa Bokeriya bildirib ki, Gürcüstanın suverenliyi və iqtisadiyyatı üçün cari Bakı-Tbilisi-Qars dəmir yolu layihəsi strateji maraq təşkil edir, Abxaziyadan keçən dəmir yolunun açılışı isə “ciddi risklərlə” bağlı ola bilər.
“Çünki Rusiya Federasiyasının tərəfdaş olduğu yerdə biz ehtiyatlı olmalıyıq, xüsusən ona görə ki, bütün bunlar işğa olunmuş ərazilərdən keçir”, deyə Bokeriya bildirib. “Bu layihənin həyata keçirilməsi, qısa desək, o halda mümkün olardı ki, bu, Gürcüstanın işğalına son qoyulması məsələsini həll edən paketin bir hissəsi olsun”.
“Ümid edirəm ki, Gürcüstan hakimiyyəti ölkəmizin maraqlarına ziyan vuracaq fundamental səhvə yol verməyəcək”, deyə o əlavə edib. -0-
-
- Cəmiyyət
- 7 Sentyabr 2013 12:26
Dünyada
-
Reuters: Bu ilin COP29 BMT iqlim danışıqlarına üç aydan az qalmış, ölkələr sammitin ən böyük vəzifəsi olan inkişaf etməkdə olan ölkələrin iqlim dəyişikliyinə uyğunlaşmasına kömək etmək üçün yeni maliyyələşdirmə hədəfi üzərində razılığa gəlməkdən uzaqdır.
-
Sir Keir Starmerin Ukraynaya dəstək məsələsində effektiv qlobal liderlik göstərmək səyləri, Downing Street-in Kiyevə Rusiya ərazisində dərin hücumlar başlatmaq üçün həlledici imkanlar təmin edə bilməməsi ilə müəyyən qədər zəiflədilir.
-
Ukrayna Prezidenti Volodimir Zelenski cümə günü ölkənin hava qüvvələri komandanını vəzifədən azad etdi, bu hadisə, Ukraynanın Qərb tərəfdaşlarından aldığı F-16 təyyarəsinin Rusiya bombardmanı zamanı qəzaya uğraması və pilotun həyatını itirməsindən dörd gün sonra baş verdi.
-
Kamala Harris, prezidentliyə Demokratların namizədi kimi ilk rəsmi müsahibəsində ABŞ-ın cənub sərhədində miqrasiyaya daha sərt yanaşma tətbiq edəcəyini və İsrailə silah göndərilməsini davam etdirməyi dəstəklədiyini bəyan etdi.
Rəy yaz