Rəsmi qəzetlər bəzi qanunlara ediləcək dəyişikliklərin, Lənkəran şəhərinin Liman-Nərimanabad-Balıqçılar avtomobil yolunun tikintisilə bağlı Lənkəran Şəhər İcra Hakimiyyətinə 3,6 milyon manatın ayrılması haqda sərəncamın mətnlərini ilk səhifələrdə dərc ediblər.
“Azadlıq” qəzeti Yunanıstanın DESFA şirkətinin səhmlərini SOCAR-ın alması ilə bağlı sövdələşməni imzalamayacağı haqda Avropa Komissiyasının bəyanatını “SOCAR-ın 500 miylonluq layihəsinin təhlkükədə olması” kimi dəyərləndirir.
Nərimanov Qaz-Neft Çıxarma İdarəsinə məxsus 310 və 312 saylı estekadaların uçması nəticəsində bir fəhlə həlak olub, biri itkin düşüb, üçü yaralanıb.
Bakı Apellyasiya Məhkəməsi jurnalist Xalid Qarayevin inzibati həbsdən azad olunması şikayətini təmin etməyib, jurnalist özünə qarşı ittihamı “saxta və siyasi motivli” adlandırıb. Narkotika ittihamı ilə həbsə alınan AXCP üzvü Murad Ədilov barəsində istintaq hərəkəti olmadığı halda həbs müddətinin daha iki ay uzadılmasını vəkili “məntiqi əsası olmayan addım”adlandırıb. Ölkənin gənclər təşkilatlarının təmsilçiləri ölkə gənclərini insan haqlarının durumu ilə bağlı Milli Şuranın 10 noyabr aksiyasında fəal iştiraka səsləyiblər.
Bakıda səfərdə olan Böyük Britaniyanın Avropa məsələləri üzrə naziri Devid Lidinqton “Britaniya parlamentarilərinin Azərbaycanda insan haqlarının durumundan narahat olmaları” bəyanatını səsləndirib.
“Ekspress” qəzeti Avropa Komissiyasının DESFA ilə SOCAR arasındakı sövdələşməni imzalamayacağı bəyanatını “DESFA-nı SOCAR-a vermək istəməmələri” kimi dəyərləndirir.
Təhsil kreditinə ciddi ehtiyac olduğunu deyən deputat Vahid Əhmədov çox sayda savadlı tələbənin bu səbəb üzündən təhsili yarımçıq qoyduğunu bildirir.
“Exo” orta məkətb müəllimlərinin təkrar attestasiyadan keçmələrinin gözlənildiyini yazaraq təkrar attestasiyadan keçməyəcək müəllimləri işsizliyin gözlədiyi barədə xəbərdarlıq edir.
Qəzetin yazdığına görə hazırda xaricdə 3185 tələbənin təhsil alır, təhsil nazirliyi 2015-20-ci illərdə xarici ölkələrdə təhsil almaqla bağlı yeni Dövlət proqramı hazırlayır.
“Novoe Vremya” qəzeti Bakıda mənzil-titkinti adı ilə şirkətlərin fırıldaqlara yol verdiyini yazaraq rəsmi Bakının bun aciddi reaksiya verməməsinə “fəaliyyətsizlik razılıq işarəsidir” mövqeyi ifadə edir.
“Bizim yol” “Sevil” massivində fərdi ev tikintisi adı ilə vətəndaşların 68 milyon manata yaxın vəsaitinin mənimsəndiyini yazaraq bunu “irimiqyaslı tikinti fırıldağı” adlandırır.
“Yeni Müsavat” SOCAR-ın DESFA şirkətinin səhmlərini almasına dair sövdələşməni imzalamayacağı haqda Avropa Komissyasının bəyanatını “Brüsselin Bakının 500 milyon dollarlıq sövdələşməsinə qarşı olması” kimi şərh edir.
Qəzet deputat Əsabəli Qasımovun Gürcüstanda un bazarını inhisara aldığını və bunun qonşu ölkədə ciddi etirazlara səbəbə olduğunu iddia edir.
Qəzetin yazdığına görə, Balakənin Cederovtala icra nümayəndəsi Ramiz Sergeyeviç kənd qəbirsatanlığının 40 sotunu “az ölü dəfn edildiyi” üçün satıb.
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz