Mətbuat-Monitorinq 07.12.12

“Azadlıq” qəzeti keçmiş rektor Elşad Abdullayevin PA rəhbəri Ramiz Mehdiyevlə “deputatlıq məsələsi”ni danışdıqdan sonra keçmiş deputat Gülər Əhmədovanın rektora “deputatlığın pul işinə biz baxırıq” zəngi etməsi haqda açıqlamasını yayıb. 

Hüquq müdafiəçisi Leyla Yunus Azərbaycanın siyasi idarəetmə sisteminin tərkibi barədə “bu sistemdə cinayətkar olmayan yoxdur və ən qəddar cinayətləri bu cinayəti açmalı olanlar törədir” bəyanatı səsləndirib. 

Qəzet yazır ki, İctimai Palata AXCP sədri Əli Kərimlinin qaynı Elnur Seyidovun həbsdə saxlanmasını “iqtidarin Əli Kərimli önündə acizliyi” kimi dəyərləndirir. 

Türkiyənin İrandakı səfiri Ümit Yardım Təbrizdə Traktor-Persepol futbol oyununu izlərkən “Traktor” azərkeşləri türkçülük şüarlar səsləndirdiklərinə görə İranın təhlükəsizlik qüvvələri səfiri stadiondan çıxarıb. 

Qəzet rəsmi Bakının cəhdlərinə baxmayaraq, şərti “milyarderlər ittifaqı” ilə anlaşa bilmədiyini nəzərə catdırır.   

Dövlət başçısı İlham Əliyevin MDB sammitinə qatılmaması ilə bağlı ekspertlər qəzetə “sammiti boykot etməsinə Rusiyanın cavab addımı olacaq” şərhini veriblər.

“Zerkalo” . Qəzalı durumda olan Tağıyev yataqxanasında sakinlərin mənzil problemini baş nazirinn müavini Abid Şərifovun hələ də həll etməməsini sakinlər “baş nazirin müavininin onlarla məzələnməsi” kimi dəyərləndiriblər.  

“Ekspress” . İran-Azərbaycan sərhədçiləri sərhədyanı zonada birgə təlimlər keçirəcəklər. 

Qarabağ münaqişəsinin tənzimlənməsinə məsul ATƏT-in Minsk Qrupunun 20 illik yarıtmazlığını qəzet “həmsədr ölkələr münaqişənin həli üçün “səyləri davam etdirəcəklər” ironiyası ilə qarşılayır. 

Qəzet İran mediasına istinadən rəsmi Tehranın 31 dekabr Dünya Azərbaycanlıları gününü İran-Azərbaycan həmrəylik günü kimi qeyd etməyə hazırlaşdığını iddia edir. 

“Exo” qəzeti Füzuli küçəsi, 33 saylı tarixi binanın 15 metr kənara sürüşdürülməsini yazaraq ekspertlərə istinadən binanın yenidən qurulmasının təhlükəsiz olmayacağını bildirir. 

Sankt-Peterburqda azərbaycanlılara məxsus ticarət obyektlərinin yandırılmasını qəzet “Rusiyada antiqafqaz terrorunun güclənməsi” adlandırır. 

2006-cı ildən etibarən Azərbaycanda insan alverilə bağlı 484 fakt aşkarlanıb. 

“Novoe Vremya” ölkə sərvətlərinin insan kapitalının inkişafına səbəb olması haqda rəsmi Bakının bəyanatına “ölkənin talan olunması insan kapitalının inkişafına şərait yaratmır” mövqeyini qoyub. 

“Bizim yol” iş adamı Əflatun Piriyevin qətlilə bağlı məhkəmə prosesində iş adamı Hacı İbrahim Nehrəmlinin qətli sifariş verməkdə ittiham olunması nüansının açıqlandığını yazır. 

Ölkə iqtisadçıları Azərbaycan hökumətinin 10 milyard borc aldığını yazaraq neft gəlirlərinin azalması fonunda rəsmi Bakıya “bu qədər pulu necə qaytaracaqsız?” sualını ünvanlayır. 

Deputat Əli Məsimli “irəli sürülən demokratik islahatlar paketi indi həyata keçirilməsə dövləti təhdid edən problemlərlə üz-üzə qalacağıq” xəbərdarlığını edib.  

“Yeni Müsavat” keçmiş səhiyyə naziri Əli İnsanovun yalnız müxalifətlə əməkdaşlıq etməyəcəyi şərti daxilində azadlığa buraxıla biləcəyini yazır. 

“Baku Steel Company” işgüzar imicinə ziyan vurması adı ilə “Yeni Müsavat” qəzetinin 1 milyon manat cərimələnməsi, müəllifin həbsi olunması iddiasını qaldırıb. 

Müxalifətin İctimai Palata, Ziyalıalr Forumu və Məşvərət Məclisi qurumları arasında saziş imzalanmasının gözlənilməsini qəzet müxalifətin yeni koalisiyası adlandırır.