Rəsmi qəzetlər dövlət başçısı İlham Əliyevin Biləsuvar rayonunun sosial inkişafı ilə bağlı 5 milyon manatın ayrılması haqda imzaladığı sərəncamın mətnini dərc ediblər.
Bundan əlavə, bu qəzetlər Milli Şuranın “dağılmaqda olması” mövzusunda yazılara geniş yer veriblər.
“Azadlıq” qəzeti Bakıdan PKK terrorçu təşkilatına silah göndərildiyi haqda məsələnin beynəlxalq müstəviyə çıxarılmasını ilk səhifəyə çıxararaq bunu “Qərbdən Əliyevlərə PKK ittihamı” adlandırır.
Milli Şuranın prezidentliyə vahid namizədi, tarixçi-professor Cəmil Həsənlinin imza vərəqələri Mərkəzi Seçki Komissiyasına təqdim edilib, 44495 imza toplanıb.
Milli Şuranın vahid namizədi C.Həsənlinin səslərin 75%-ni almağa iddialı olduğunu deyən qurum təmsilçiləri 12 iri şəhər və rayonda görüş və aksiyalar nəzərdə tutur.
Qəzetin “bandotdel”in bu günlərdə 4 nəfər gənci həbsə aldığını, onlardan 2-nin dövlət başçısının təhlükəsizlik xidmətinin rəisi Bəylər Əyyubovun qohumları olduğunu iddia edir.
Təhsil Nazirliyini və keçmiş nazir Misir Mərdanovu tənqidlərilə tanınan təhsil eksperti Əlövsət Osmanlı ürək tutmasından vəfat edib.
“Yeni Müsavat” dövlət başçısı İlham Əliyevin üçüncü müddətə prezidentliyə namizədliyini “qırmızı xətti keçmək” adlandıran ABŞ dövlət katibinin müavini Tomas Melianın Bakıya buraxılmamasını iqtidarın ABŞ-a cavab verməyə “söz və həvəsinin olmaması” kimi dəyərləndirib.
Müsavat Partiyasının başqanı İsa Qəmbər Milli Şura təmsilçilərinin qarşıdakı London səfərinin məqsədini “demokratik düşərgənin vahid namizədinin təqdim olunması” kimi şərh edib.
“Bakı Xəbər” Ermənistanın dəmir yolu şəbəkəsinin inkişafı ilə bağlı maliyyə xərclərini İranın öz üzərinə götürməsini “İranın yenə də Ermənistanın xilaskarına dönməsi” kimi dəyərləndirir.
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz