Almaniya Beynəlxalq Əməkdaşlıq Cəmiyyəti (GİZ) və Almaniyanın federal dövlət əmlakının özəlləşdirilməsi və idarə edilməsinə məsul olan qurumu ilə əməkdaşlıq çərçivəsində 6 sentyabr 2013-cü ildə Bakıda “Şirkətlərdə dövlətə məxsus payların və səhmlərin idarə edilməsi və özəlləşdirilməsi sahəsində Almaniya təcrübəsi” mövzusunda seminar keçirilib.
Əmlak Məsələləri Dövlət Komitəsi mətbuat xidmətinin məlumatına görə, seminarı GİZ-in layihə rəhbəri Vulf Şmider və Almaniyalı ekspert Klaus Helmrath keçirib. Onlar Avropa ölkələrində şirkətlərdə dövlətə məxsus səhm zərflərinin idarə edilməsinin təşkili, bu sahədə səmərəliliyin təmin edilməsi istiqamətində həyata keçirilən tədbirlər, dövlətə aid səhm zərflərinin özəlləşdirilməsi mexanizmləri barədə ətraflı məlumat veriblər. Bu təcrübənin Azərbaycanda tətbiqi barədə fikir mübadiləsi keçirilib.
1 yanvar 2013-cü il üçün ƏMDK-nin sərəncamında 95 müəssisə olub. 313 SC-də dövlətin səhm paketi var. Onların çoxu fəlaiyyətsizdir. 2012-ci ildə onların dövlət büdcəsinə köçürdüyü dividend 100 min manatı keçməyib. ƏMDK vaxtaşırı özəlləşdiriləcək müəssisələrin siyahısını elan edir. Bu məqsədlə dövlət büdcəsindən bir neçə milyon vəsait ayrılır. Amma hələ ƏMDK hansısa müəssisənin sağlamlaşması barədə məlumat verməyib. Ekspertlər ƏMDK-nin risk menecmentini zəif qiymətləndirir. Bir qayda olaraq, ƏMDK dövləti payını bir investora satır, bu isə korporativ idarəetmə standartı cəhətdən şirkətin maliyyə perspektivini təhlükəyə atır. --08D—
İqtisadiyyat
-
Azərbaycanın iqtisadiyyatı gələn illərdə də artımını davam etdirəcək, lakin ING Qrupu və Birləşmiş Millətlər Təşkilatının (BMT) proqnozları bərpa sürətinə dair bir qədər fərqli baxışlar təqdim edir. Niderlandın ən böyük bank qurumu olan ING Qrupu, Azərbaycanın Ümumi Daxili Məhsulunun (ÜDM) müsbət artımını proqnozlaşdırır, BMT isə daha optimist bir görünüş təklif edir.
-
Azərbaycanda taksi minik avtomobillərinin orta yaşı 15-dən 7-yə düşüb. Bu barədə Azərbaycan Yerüstü Nəqliyyat Agentliyinin (AYNA) yaydığı məlumatda bildirilir. Agentlik bunu "islahatların nəticəsi" kimi dəyərləndirib.
-
Qazaxıstan, İrana və Azərbaycana taxıl ixracını bərpa etməklə beynəlxalq taxıl bazarlarında mövqeyini möhkəmləndirib. Bu barədə ölkənin Kənd Təsərrüfatı Nazirliyi məlumat yayıb.
-
Son illərdə Azərbaycan səssizcə dinamik bir startap ekosistemi formalaşdırıb və bu ekosistem artıq beynəlxalq səviyyədə maraq doğurmağa başlayıb. Rəqəmsal təhsil platformalarından aqrotexnologiya sahəsindəki innovasiyalara qədər bu startaplar ölkənin texnologiya və sahibkarlığa artan marağını əks etdirir. Dövlət dəstəyi, beynəlxalq əməkdaşlıq və cəsarətli sahibkarlıq vizyonunun birləşməsi bir neçə Azərbaycan startapını qlobal səhnəyə çıxarıb.
Rəy yaz