Gübrələrin güzəştli satışı üçün 3,3 mln manat subsidiya ayrılıb

Sentyabrın 6-da kənd təsərrüfatı naziri İsmət Abasovun sədrliyi ilə kənd təsərrüfatı subsidiyaları üzrə Respublika Komissiyasının iclasında 6-cı dəfə mineral gübrələrin güzəştli satışı üçün subsidiya verilməsi barədə qərar qəbul edilib. 

Kənd Təsərrüfatı Nazirliyinin məlumatına görə, qərara əsasən, Aqrolizinq” ASC, “Aqrokimya” MMC, “Mikro Az Feed” MMC, "Aqrolayn Qrup" MMC, "Sərxan 2" MMC və “Aqro Kompleks Qəbələ” MMC 3 343 min manat subsidiya alıb. Bu şirkətlər 73,4 min ha torpaq sahəsi üçün 14,7 min ton gübrə alıb. Gübrəni 8 263 fermer və kənd təsərrüfatı müəssisəsi alıb. 

Kənd təsərrüfatının subsidiyalaşdırılması Azərbaycanda 2006-cı ildən həyata keçirilir. 2007-ci ildən fermerlərin mineral gübrə pulunun 50%-i dövlət ödəyir. Bundan başqa, yanacaq və mühərrik yağı üçün fermerlər 1 hektar üçün 40 manat alır. Buğda və düyü istehsalçıları da hektara 40 manat alır.

2013-cü ildə dövlət büdcəsindən  kənd təsərrüfatının subsidiyalaşdırılması üçün 125 mln manat, o cümlədən mineral gübrələr üçün 25 mln manat nəzərdə tutulub. İndiyədək bu vəsaitin 17,9 mln manatından istifadə olunub. 08D