Bugünkü qəzetlərin əsas mövzusu yazıçı Əkrəm Əylislinin fəxri ad və titullardan məhrum edilməsilə bağlı dövlət başçısının verdiyi sərəncam, həmin sərəncama olan reaksiyalardır. Rəsmi qəzetlərə verilən şərhlərdə dövlət başçısının bu sərəncamı təqdir və mədh edilir.
“Azadlıq” qəzeti ölkədəki ictimai-siyasi duruma dair blokda xalq etirazlarını dayandırmaq üçün iqtidarın repressiyalara əl atmasına “böyük şok durumunda olan cəmiyyətin etiraz dalğasını repressiyalarla saxlamağın mümkünsüzlüyü” rəyini verir. İsmayıllı hadisələri fonunda iqtidarın kütləvi həbslərinə cavab olaraq ictimai qurumlar beynəlxalq qurumlara “həbslərə göz yummamaq çağırışı” edib.
Yazıçı Əkrəm Əylisli əleyhinə kampanyanın birbaşa söz azadlığına qarşı yönəldiyi qənaətinin ifadə edib. O aldığı fəxri ad və titullardan məhrum olunmasına “bu qərarın qiymətini və cavabını zaman verəcək” mövqeyini bildirib.
“Zerkalo” “Daş yuxular” əsərinə görə yazıçı Əkrəm Əylislinin məhkəməyə cəlb olunması prosesində QHT-lərin canfəşanlığına “bunun naminə QHT-lər Cinayət Məcəlləsini yenidən yazmağa hazırdırlar” qənaətini ifadə edir.
İsmayıllı hadisələri ilə bağlı kütləvi həbslərə etiraz olaraq beynəlxalq qurumların rəsmi Bakını dayanmağa səsləməsi “həbsdə olanları müdafiə çağırışları” kimi dəyərləndirilir.
“Ekspress” ölkədə hər 9 nikahdan birinin dağıldığını və şəhərlərdə boşanmaların sayının daha çox artdığını yazır.
Tehranın mədəniyyət saraylarının birində Azərbaycan türklərinin yemək və milli geyimləri erməni adı ilə təqdim olunub.
“Novoe Vremya” NATO ilə Azərbaycan arasında əməkdaşlığın ilk növbədə ABŞ-ın iqtisadi maraqlarına, ikincisi İrana hücum hazırlığına yönəldiyini iddia edir.
Belarus arxivlərində SSRİ-nin fəaliyyətinə son qoyan MDB-nin yaradılması ilə bağlı sənədin orijinalı itib.
“Bizim yol” Bakı İcra Hakimiyyətinin şəhərin Dilarə Əliyeva və Təbriz Xəlilbəyli küçələrində “evyıxma” əməliyyatına başlayacağını xəbər verir.
“Yeni Müsavat” Rusiyanın kriminal qrupların əli ilə Bakını “qarışdırmaq” iddiasını manjetə çıxararaq buna “Kremlin seçkiqabağı qorxunc planı” mövqeyini bildirir.
Ölkədəki ictimai-siyasi duruma dair blokda qeyd edilir ki, İsmayıllıda xalq etirazına səbəb olan nazir Füzuli Ələkbərovun oğlu “atasının nazirliyindəki” bütün tenderləri “udur”. Beynəlxalq qurumlar İsmayıllıda xalq etirazları bağlı həbslərlə etiraz olaraq rəmsi Bakını
həbs edilənləri azadlığa buraxmağa çağırış.
Rəsmi Bakı iqtidaryönlü olmasına baxmayaraq, BAXCP-yə qururltay keçirmək üçün yer ayırmaq istəmir.
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz