Mətbuat-Monitorinq 09-10.02.14

Rəsmi qəzetlər dövlət başçısı İlham Əliyevin olimpiada oyunlarını izləmək üçün Soçi şəhərinə getməsi haqda xəbərləri ilk səhifələrə çıxarıblar.

“Azadlıq” qəzeti iqtidar komandasında kənd təsərrüfatı və fövqəladə hallar nazirləri arasında yeni səlahiyyət bölgüsü ilə bağlı mübarizə getməsini ilk səhifyə çıxarıb.

Deputat Vahid Əhmədovun açıqlamasına görə, güzəştli təhsil kreditləri haqda qanunun qəbul olunmasına banklar mane olurlar. 

Azad Debatlar Mərkəzinin iştirakı ilə ölkədə intihar məsələsi müzakirə edilib, 2013-cü ildə 350 nəfərin intihar etmək istədiyi açıqlanıb. 

Avtokreditlərin dayandırılmasına toxunan qəzet ekspertlərin bu faktı “avtomobil bazarının çökdürülməsi” kimi dəyərləndirirlər.  

Ölkədə maliyyə amnistiyası haqda səslənən bəyanatları şərh edən ekspertlərin fikrincə, bunun arxasında oliqarxların xaricdəki maliyyə vəsaitlərini ölkəyə gətirmək məqsədi durur. 

“Yeni Müsavat” 1995-ci ildən bu yana ölkənin xarici ticarət dövriyyəsinin 26 dəfə artmasına baxmayaraq, dəmiryol daşımalarının cəmi 2,5 dəfə artmasını, daşınmadan gələn gəlirlərin isə 6 milyon manat azalması statistikasını  “dəmiryol rəhbərliyinin qalmaqallı maxinasiyası” adlandıraraq önə çəkib.

Ali məktəblərin bakalavr və magistratura səviyyəsində kreditləşməsi haqda Nazirlər Kabinetinin qərarına etiraz olaraq tələbələr aksiyaya hazırlaşırlar. adı çəkilən qərarda tələbələrin kəsiri olduğu halda həmin kəsiri ödəmək üçün əalvə maliyyə vəsaiti ödəməsi yer alır, tələbələr də bu əlavə ödənişə etiraza hazırlaşırlar.

Bakının “Sovetski” məhəlləsindəki tarixi abidə və tikililərin yerində park salınacağı xəbərinə etiraz olaraq məhəllə sakinləri aksiya qərarı veriblər. 

Müxalif siyasətçilər maliyyə amnistiyası bəyanatının arxasında məmur-oliqarxların qanunsuz maliyyə vəsaitlərinin leqallaşdırılmasının dayandığını bəyan edirlər.