![HRW : QHT-lər haqqında qanunvericiliyə düzəlişlərin mənfi nəticələri olacaq](https://turan.az/resized/media/2014/main/021000068507-750-500-resize.webp)
HRW : QHT-lər haqqında qanunvericiliyə düzəlişlərin mənfi nəticələri olacaq
Vaşinqton Azərbaycanda QHT-lər haqqında qanunvericiliyə yeni düzəlişlərdən və bu ölkədə həyata keçirilən Amerika layihələrinə bunun necə təsir edəcəyindən narahatdır.
QHT-lərin maliyyələşdirilməsini daha da məhdudlaşdıran düzəlişlər ötən ilin sonlarında Milli Məclis tərəfindən təqdir edilib və ötən həftə prezident İlham Əliyev onları təsdiqləyib.
Amerikalı diplomatlar “son iki ayda dəfələrlə prezident Əliyevi düzəlişləri parlamentə qaytarmağa, QHT-lərin fəaliyyətini və maliyyələşdirilməsini tənzimləyən qanunları ölkənin götürdüyü beynəlxalq standartlara uyğunlaşdırmağa çağırıblar”, - ABŞ-dakı rəsmi mənbə Turan-ın Vaşinqton müxbiri ilə söhbətində bildirib.
Dövlət Departamenti indiyədək bununla bağlı açıq bəyanat verməyib, lakin diplomatlar və analitiklər şəxsi söhbətlər zamanı bununla bağlı narahatlıqlarını bildiriblər. Çünki hakimiyyət qanunverici məhdudiyyətlər yolu ilə hüquq-müdafiəçilərinin ağzını yummağa və tənqidi səsləri boğmağa çalışır.
“Biz bu yaxınlarda qəbul edilmiş düzəlişlərlə bağlı çox narahatıq, bunlar ölkədə QHT-lərin fəaliyyəti üçün mənfi nəticələrə səbəb olacaq”, - Human Rights Watch təşkilatının baş elmi əməkdaşı Giori Qogiya Turan-ın müxbiri ilə söhbətində bildirib.
“Biz bu düzəlişləri hakimiyyəti tənqid edən vətəndaş cəmiyyətinin fəaliyyətinin məhdudlaşdırılması üzrə hökumətin razılaşdırılmış səylərinin bir hissəsi sayırıq”, - o əlavə edib.
Bu düzəlişlər yerli və xarici QHT-lərin fəaliyyətinə yeni məhdudiyyətlər gətirir və cəza cərimələrini (onların fəaliyyətinin dayandırılması da daxil olmaqla) müəyyən edir.
Qogiyanın fikrincə, qanunvericiliyə dəyişiklik vətəndaş cəmiyyəti və fəalların birləşmə azadlığı hüququnun reallaşmasını maksimum məhdudlaşdırmaqla onları qanundan kənarda qoyur.-25В-
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz