N!DA vətəndaş cəmiyyəti hərəkatı fevralın 8-də 3 yaşını qeyd edib. Təşkilatın ildönümü Vətəndaş Həmrəyliyi Partiyasının mənzil qərargahında keçirilib.
Müxalifət partiyalarının, Milli Şuranın liderləri, həbsdə olan fəalların valideynləri gəncləri təbrik etməyə gəliblər.
Müxalifətin prezidentliyə əski vahid namizədi, Milli Şuranın sədri Cəmil Həsənli bu günlə 1918-20 ci illərin Xalq Cümhuriyyətinin arasında paralel apararaq Azərbaycanda gənclər hərəkatının əhəmiyyətindən danışıb. "O illər minlərlə gənc Azərbaycanın azadlığı üçün canını qurban verdi və siz onların mübarizəsinin davamçılarısınız", deyə o bildirib.
Bu gənclər hərəkatı artıq itkilər verib. 2013-cü ilin mart-aprelində NIDA üzvləri Məmməd Əzizov, Bəxtiyar Quliyev, Şahin Novruzlu, Rəşadət Axundov, Üzeyir Məmmədli, Rəşad Həsənov və Zaur Qurbanlı kütləvi iğtişaş yaratmaq ittihamı ilə həbs edilib. Onlar və təşkilatın digər üzvləri orduda qeyri-döyüş şəraitində əsgər ölümlərinə etiraz aksiyasının iştirakçısı idilər.
N!DA 4 fevral 2011-ci ildə demokratik dövlət qurulması məqsədini elan edən gənclər birliyi kimi yaradılıb və cəmiyyətdə populyarlıq qazanıb. Hərəkat Cəmil Həsənlinin seçki təbliğatında vacib rol oynayıb.
Bu təşkilatın gücünü o da göstərir ki, daha çox həbs edilən və məhkəməyə verilən fəalları var.
B gün həbsdə olan fəalların simaları təşkilatın yeni saytında videoçarxlarda göstərilib. Belə mikrofilmlərdən biri Brüsseldə keçiriləcək Avropa sosial reklam müsabiqəsinin nominantları siyahısına salınıb.
Ad günü nəhəng bayram tortu və N!DA-nın kursunun sarsılmazlığı barədə şüarlarla başa çatıb. —0—
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz