Mətbuat-monitorinq 09.04.15

Rəsmi qəzetlər Heydər Əliyev Mükafatı Komissiyasının yeni tərkibinin müəyyən olunması ilə bağlı fərmanın, bir neçə digər rəsmi sənədlərin mətnini ilk səhifələrə yerəşdiriblər.

Bununla yanaşı, İslam Həmrəyliyi İdman Federasiyası prezidentinin, Avropa İttifaqı komissarının  başçılıq etdikləri nümayəndə heyətlərinin dövlət başçısı İlham Əliyev tərəfindən qəbul olunması da bu qəzetlərdə yer alır.

“Azadlıq” qəzeti Hesablama Palatasının 15 icra hakimiyyətinin fəaliyyətində nöqsanlar aşkar etdiyi üçün “qara sihalıya” düşməsini  ilk səhifəyə çıxarıb.

Qəzet Beynəlxalq Enerji Agentliyinə isnadən Azərbaycan üçün də maraqlı olan İrana qarşı sanksiyaların ləğvilə bağlı gələn il neftin 15 dollara qədər ucuzlaşa biləcəyini nəzərə çatdırır.

AXCP sədri Əli Kərimli Milli Şuranın 5 aprel aksiyasından sonra gənc siyasi fəalların həbsini “iqtidarın mitinq qorxusu” ilə əlaqələndirib.

Avropa Siyasəti Araşdırmaları Mərkəzi (ASAM) rəsmi Bakı siyasi məhbusları azadlığa buraxmadığı halda Avropa İttifaqını Avropa Oyunlarını boykot etməyə çağırıb.

Vəkil İradə Cavadova “sovetski” məhəlləsində evləri sökülən sakinlərə ev tikmək istəyən “Des Consulting” MMC-nin əməkdaşlarının həbsində Yasamal rayon icra hakimiyyətinin maraqlı olduğu açıqlaması verib.

Azərbaycanın bu ilki Avropa Oyunlarından sonra İslam Həmrəyliyi Oynlarına ev sahibliyi etmək istəməsini qəzet “ölkənin daha bir fantastik xərcin altına girməsi” kimi dəyərləndirir.

“Ekspress” qəzeti dini komitə sədri Mübariz Qurbanlının nurçuluq, sələfilik və vəhabilik kimi cərəyanların zərərli virus kimi yayıldığı, göz yumulduğu halda dövlət üçün təhdidə çevriləcəyi bəyanatını diqqət mərkəzinə çəkib.

Qəzet rəsmi qurumlara isnadən son üç ayda paytaxt yollarında baş verən yol qəzalarında 67 nəfərin öldüyünü bildirir.

“Exo” qəzeti hüquq müdafiəçilərinə isnadən ölkədə həbsdən azad edlən keçmiş məhbusların 65-70%-nin yenidən həbsxanaya qayıtması kimi statistika olmasını ön plana çıxarıb.

“Novoe Vremya” qəzeti politoloq Kissincerin postsovet məkanın bir neçə ölkəsində Ağ Evin dəstəyini alan bir neçə geosiyasi mərkəzin olması bəyanatını “ABŞ-ın postsovet məkanını silahlandırmaqda davam etməsi” kimi dəyərləndirir.

“Bizim yol” qəzeti Mərkəzi Bankın manatla kredit verilməsini qadağan etməsini və bu haqda banklara təlimat göndərməsini ilk səhifəyə yerləşdirib.

Ölkənin maliyyə sahəsindəki durumunu dəyərləndirən ekspertlər Mərkəzi Bankın “manatın ucuzlaşdırılmasına getmək, yoxsa, ehtiyatları xərcləmək” kimi dilemma qarşısında qalmasına diqqət çəkir.

“Yeni Müsavat” qəzeti rəsmi Moskvanın ABŞ-ın Azərbaycan səfirliyini sualllar doğuran fəaliyyətdə ittiham etməsini önə çəkərək, bu bəyanatın təsadüfi olmadığını nəzərə çatdırır.

Hazırda mühakimə edilən Müsavat Partiyası fəalı Sirac Kərimlinin məhkəməsində şahid Dərgah Quliyevin indiyə kimi məhkəmələrdə 180-dən çox adamın üzünə durduğunu bəyan edib.

Ölkədəki iqtisadi durumu təhlil edən deputat Vahid Əhmədov 1 dolların 1,5-2 manata qədər bahalaşcağını, inhisarçıların 2006-cı ildən bu yana “Rəqabət Məcəlləsi”ni qəbul etməyə imkan vermədiyini qeyd edib.