![Prezident Administrasiyası nümayəndələri ilə siyasi partiyaların görüşünün vaxtı məlum deyil](https://turan.az/resized/750/500/resize/media/2015/main/040900112072.jpg)
Prezident Administrasiyası nümayəndələri ilə siyasi partiyaların görüşünün vaxtı məlum deyil
Prezident Adminsitrasiyasının nümayəndələrinin siyasi partiya rəhbərləri ilə növbəti görüşünün nə vaxt baş tutacağı hələ bəlli deyil. Fevralın 12-də Prezident Administrasiyasının ictimai-siyasi şöbəsinin müdiri Əli Həsənovun işrirakı ilə keçirilən görüşdə Prezident Administrasiyasının təşkilatçılığı ilə hər iki aydan bir görüşlərin keçirilməsi razılaşdırılıb. Buna baxmayaraq, hələ görüşün keçiriləcəyi ilə bağlı siyasi partiyalara məlumat verilməyib. Bu barədə Xalq Partiyasının sədri Pənah Hüseyn Turan-ın sualının cavabında bildirib.
Onun sözlərinə görə, 8 siyasi partiya apreldə keçirilməsi nəzərdə tutulan görüşdə müzakirə ediləcək məsələlərlə bağlı Prezident Administrasiyasına təkliflərini göndərib.
“Biz bu görüşdə 2015-ci il parlament seçkiləri ilə bağlı seçki islahatı, o cümlədən proporsional seçki sisteminin bərpa olunması, “Seçki Məcəlləsi”nə dəyişikliklər, seçki komissiyalarının tərkibinin dəyişdirilməsi və siyasi məhbus məsələlərinin müzakirəsi ilə bağlı təkliflər vermişik”, deyə o qeyd edib.
Xatırladaq ki, fevralın 12-də siyasi partiyalarla görüşdən sonra keçirilən mətbuat konfransında Prezident Administrasiyasının ictimai-siyasi şöbəsinin müdiri Əli Həsənov bildirib ki, bundan sonra hər iki aydan bir görüş keçiriləcək.
“Xalqı, hakimiyyəti, daxili və xarici institutları narahat edən məsələləri əvvəldən razılaşdırılmış şəkildə müzakirə edəcəyik”.
Həsənovun sözlərinə görə, növbəti görüşlərin formatı da razılaşdırılıb.
“Əlbəttə, biz siyasi partiyalar arasına ayrı-seçkilik qoya bilmərik. Aktiv siyasi fəaliyyətlə məşğul olan bütün siyasi partiyalar bu görüşlərdə iştirak edə bilər. İndiyə kimi keçirilmiş görüşlərə təxminən 16-20 arasında siyasi partiya rəhbəri qatılıb. Azərbaycanda neçə partiyanın qeydiyyatdan keçməsindən asılı olmayaraq, aktiv siyasi fəaliyyətlə məşğul olan siyasi partiyalar bu görüşlərdə iştirak ediblər, bir neçəsi də təşrif buyurmayıb. Onlara da dəvətlər olunub, yəqin ki, bəlli səbəblərdən qatılmayıblar. Sonra iştirak etmək istəsələr, biz onlara da qapılarımızı açıq qoyuruq”, deyə Həsənov bildirib.
O deyib ki, bundan sonra müzakirəyə çıxarılacaq mövzular əvvəlcədən müəyyən ediləcək.
Öz növbəsində, Prezident Adminsitrasiyasından görüşün baş tutub-tutmayacağı ilə bağlı şərh almaq hələ mümkün olmayıb. -03B-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz