Mərkəzi bank geri addım atdı?

Aprelin 9-da ölkənin Mərkəzi Bankı dolların manata nisbətdə məzənnəsini bir qədər azaldıb. Bu, aprelin 8-də dolların məzənnəsinin artmasından və növbəti ajiotaj və panikaya səbəb olmasından, vətəndaşların xarici valyutaya böyük tələbatına gətirib çıxarmasından sonra baş verib.

Bu gün Mərkəzi Bank aprelin 8-də dolların məzənnəsinin artmasının manatın növbəti devalvasiyası ilə bağlı olmadığı haqqında bəyanat yayıb. Bu, manat məzənnəsinin bivalyuta səbəti – dollar və avro əsasında formalaşmasının nəticəsidir. Avronun məzənnəsinin azalması dolların məzənnəsinin artmasına gətirib çıxarıb.

Aprelin 9-da Mərkəzi Bank tərəfindən manatın məzənnəsi 1 dollar – 1,0515 AZN səviyyəsində müəyyən edilib ki, bu da aprelin 8-də olan rəqəmdən mində iki azdır.

Eyni zamanda, avro manata nisbətdə çox az – 69 mində bir ucuzlaşıb – 1 avro-1,133 AZN.

Bununla belə, valyutadəyişmə məntəqələrində dollar dünənki kimi, təxminən 1,07 manata satılır. Aprelin 8-də dolların məzənnəsi bir qədər artdıqdan sonra vətəndaşlar növbəti devalvasiya dalğasından qorxaraq, fəal şəkildə xarici valyuta almağa başlayıblar.

Bütün bunlar əhalinin hökumətin milli valyutanın sabit məzənnəsi haqqında bəyanatlarına inanmadığını və əmanətlərini dollar və ya avroya keçirməyə çalışdıqlarını göstərir. Fevralda Mərkəzi Bank tərəfindən manatın dollara nisbətdə 34% ucuzlaşdırılması vətəndaşların hakimiyyətin maliyyə siyasətinə etibarını sarsıdıb. -02D-