Rəsmi qəzetlər Siyəzən rayonunun Siyəzən-Böyük Həmyə-Balaca Həmyə-Çəndəhar avtomobil yolunun tikintisi üçün 3 milyon manatın ayrılması haqda dövlət başçısı İlham Əliyevin sərəncamının mətnini ilk səhifələrdə yerləşdiriblər.
“Azadlıq” qəzeti dövlət “Azərmetal” kollektivinin Əmlak Komitəsinin sədri Kərəm Həsənovu və keçmiş deputat Miri Qəmbərovu dövlət korporasiyasını talamaqda ittiham edən müraciətini ilk səhifəyə çıxarıb.
Hüquq müdafiəçisi Leyla Yunus təcridxanada müttəhim Nuriyyə Hüseynovanın hücumuna məruz qalıb, bu qanunsuzluqdan şikayət etdikdə isə özünə töhmət verilib.
AXCP sədri nazir Ramil Usubovun Ziyalılar Birliyinin sədri Eldəniz Quliyevi məhz Milli Şura üzvü olduğu üçün məhkəməyə verdiyini yazaraq iqtidarın əsas hücum hədəfinin Milli Şura olduğunu iddia edir.
İcra hakimiyyətlərinin yas mərasimlərinə müdaxilələri haqda ölkə mətbuatının faktlar göstərməsinə baxmayaraq, Dini Komitə bunu əsassız adlandırıb, həm də İcra hakimiyyətlərinin yaslara müdaxilə etmək hüququnun olmadığını bildirib.
Xəstə övladını xaricə müalicəyə aparmaq istəyən Natiq Ədilova ölkədən çıxmağa imkan verilməyib, xarici pasportunun fəaliyyəti dondurulub.
“Ekspress” Qarabağ probleminin tənzimlənməsində Azərbaycanın fəallığı ələ almasını “İrəvanın çarəsiz duruma düşməsi” kimi önə çıxarır.
“Exo” ekspertlərə istinadən bu yaxınlarda vətəndaşları növbəti qiymət artımının gözləməsi xəbərdarlığını manjetə çıxarıb.
“Bizim yol” Xırdalandakı binada partlayış, onun nəticələrini ilk səhifədə yerləşdirib.
Qəzet qeyd edir ki, valideynlərin aldıqları hər 100 məktəbli formasından 75-i məktəblinin əyninə uyğun gəlmir.
“Yeni Müsavat” ölkə mediasının geniş işqlandırdığı Xırdalan şəhərindəki beşmərtəbəli yarımçıq binada baş verən partalyış hadisəsi və nəticələrinə aid mövzunu önə çəkib.
AMAY Şirkətlər Qrupunun prezidenti Abdulla Abdullayevin həbs müddəti daha 3 ay uzadlıb, vəkili Əkbər Bağırov məsələnin mülki xarakter daşıdığını deyərək cinayət ittihamlarını əsassız adlandırıb.
Ekspertlər qarşıdakı payız fəslində ərzağın və çörəyin qiymətinin bahalaşacağını proqnozlaşdırırlar.
Cəmiyyət
-
Müsəlman Birliyi Hərəkatının üzvü, 7 il həbsdə saxlandıqdan sonra 20 gün əvvəl azadlığa buraxılan Əhsən Nuruzadə yenidən saxlanılıb. Bu barədə Turana Müsəlman Birliyi Hərəkatından verilən məlumatda bildirilir ki, dini inanclı fəal oktyabrın 26-da qızının gözü qarşısında saxlanılaraq aparılıb. Onun hansı səbəbdən saxlanması, hara aparılması haqda yaxınlarına heç bir məlumat verilməyib.
-
Həbsxanada 136 gündür aclıq edən İstanbul Universitetinin doktorantı Fazil Qasımovun səhhəti ağır olaraq qalır.
-
Oktyabrın 27-də Bakıda və Abşeron yarımadasında bəzi yerlərdə arabir yağış yağacağı gözlənilir. Gecə yarımadanın bəzi yerlərində leysan xarakterli olacağı, şimşək çaxacağı ehtimalı var. Səhər tədricən kəsiləcək, gündüz hava dəyişkən buludlu, əsasən yağıntısız keçəcək. Arabir güclənən şimal-qərb küləyi gündüz mülayimləşəcək.
-
Oktyabrın 25-də paytaxtın Nizami rayonundakı “Astoria” mehmanxana kompleksində yanğın baş verib.
Rəy yaz