Mətbuat-Monitorinq 09.12.15
Rəsmi qəzetlər dövlət başçısı İlham Əliyevin Çinə dövlət səfəri etməsi haqda xəbəri, bəzi qanun və sərəncamların mətnlərini ilk səhifələrdə yerləşdiriblər.
“Azadlıq” qəzeti AXCP sədrinin müavini Fuad Qəhrəmanlının həbsə alınmasını, ona qarşı hakimiyyət əleyhinə və milli, iqri, dini ayr-seçkilik məzmunlu çağırışlar etməsi ittihamının irəli sürülməsini manjetə çıxarıb. AXCP sədri Əli Kərimli bu həbsə “F.Qəhrəmanlıya qarşı hansı ittiham irəli sürülürsə sürülsün saxtadır və o, siyasi fəaliyətinə görə həbs edilib” bəyanatını səsləndirb.
“The Guardian” qəzeti araşdırmaçı jurnalist Xədicə İsmayılın həbsini “Əliyevin rəhbərliyi altında repressiyaların sübutu” kimi təqdim edir.
Silsilə cinayətlərə görə 2005-ci ildə ömürlük həbs cəzası alan cinayətkar dəstənin başçısı Hacı Məmmədovun həbsxanada yox, MTN təcirdxanasında saxlanması ədliyyə naziri Fikrət Məmmədovu da tənqid hədəfinə gətirdiyini yazır.
Bərdənin qaçqınlar üçün salınan qəsəbə məscidində keçirilən əməliyyat zamanı Xətai və Zaur adlı iki dindar saxlanılıb, onlara 30 sutka inzibati cəza verilib.
“Günəşli” yatağında 10 saylı platformdakı yanğında ARDNŞ prezidenti Rövnəq Abdullayevi günahkar sayan ekspertlər “bir adama 10 vəzifə verəndə, neft şirkətini ailə podratına döndərəndə nəticə belə də olmalı idi” şərhini verirlər.
Ekspertlər hazırda dəyəri 40 dollar səviyyəsində olan neftin iqtisadiyyatı iflasa uğrada bilməsi barədə xəbərdarlıq edirlər.
Rəsmi Bakının vergilərin artırılması üçün qanunvericiliyə etdiyi dəyişikliklərlə bağlı ekspertlər “iş adamları sıxışdırılırsa o zaman qeyri-neft sektorundan büdcə daxilolmalarını necə artırmaq olar?” sualını gündəmə gətirirlər.
Ölkədə kənd təsərrüfatına investisiya qoyulmamasına diqqət çəkən ekspertlər bu halda yüksək nəticə gözləməyi əbəs sayırlar.
“Ekspress” Xəzərin “Günəşli” yatağındakı 10 saylı platformada itkin düşən neftçilərin cəsədlərinin hələ də tapılmamasına “axtarışların nəticə verməməsi” mövqeyini bildirir.
Neftin dəyərinin XX əsrin 90-cı illərində olduğu kimi 10 dollara qədər enəcəyini deyən ekspertlər OPEC-in neft istehsalının həcmini azaltmamasını “OPEC-in neft bazarını riskə atması” kimi qiymətləndirirlər.
“Exo” neftin qiymətinin enməsilə bağlı ölkə iqtisadiyyatının çöküşünün qarşısını almaq üçün “Azərbaycanın yeni ildə ya növvəti devalvasiyaya getməyə, ya da manatın sərbəst məzənnəyə keçməsinə məcbur olacağını” ilk plana çıxarıb.
“Novoe Vremya” məktəblilərin Salyan rayon icra başçısı Tahir Kərimovun başı üzərində gül dəstələri tutması fotosu fonunda “uşaqları erkən yaşdan yaltaqlığa öyrədirlər” qənaətini diqqət mərkəzinə çəkib.
Qəzet Xəzərin “Günəşli” yatağı 10 saylı platformasındakı kütləvi insan faciəsini əmək müfəttişliyi və neftçilərin həmkarlar qurumlarının SOCAR-da yoxlamalar aparmamasının nəticəsi sayır.
“Bizim yol” neftin qiymətinin 40 dollardan aşağı enməsinə toxunaraq “ölkədə iqtisadi böhranın dərinləşəcəyi” qənaətini ilk səhifəyə yerləşdirib.
Qəzet ölkədə pul kütləsinin kəskin azalmasına, vergilərin artmasına diqqət çəkərək “ölkədə kredit qoyuluşlarının iqtisadiyyatda rolunun getdikcə azaldığını” vurğulayır.
“Yeni Müsavat” adam oğurluğuna görə həbs edilən Loğman Abdullayevin özü də həbs də olan MTN generalı Akif Çovdarovun tabeliyində işlədiyini ilk səhifəyə çəkib.
Ekspertlərə görə, valyuta ehtiyatlarının kəskin azalmaması üçün Mərkəzi Bank məzənnə siyasətinə dəyişiklik etməlidir.
Rusiya- Türkiyə münasibətləri kəskinləşəndən sonra Rusiyadakı erməni diasporunun Azərbaycan əleyhinə hərəkətə keçməsini qəzet “Moskvadan Bakıya xəfif Qarabağ təhdidləri” kimi dəyərləndirir.
-
- Cəmiyyət
- 8 Dekabr 2015 18:45
-
- İqtisadiyyat
- 9 Dekabr 2015 12:11
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz