![Mətbuat-Monitorinq 10.01.13](https://turan.az/resized/750/500/resize/media/2013/main/011000024037.jpg)
Mətbuat-Monitorinq 10.01.13
Rəsmi qəzetlər dövlət başçısı İlham Əliyevin sağlamlıq imkanları məhdud uşaqlara və sosial təhlükəli vəziyyətdə olan yetkinlik yaşına çatmayanlara sosial reablitasiya xidmətinin təkmilləşdirilməsi üçün Əmək və Əhalinin Sosial Müdafiəsi Nazirliyinə 2 milyon manat ayrılması haqda sərəncamın mətnini dərc ediblər.
“Azadlıq” qəzeti keçmiş rektor Elşad Abdullayevin yaydığı videolar və onun nəticələrinə geniş yer verir. Yayılan videolarda əks edilən Ağır Cinayətlər Məhkəməsinin hakimi Ağababa Babayev tutduğu vəzifədən çıxıb, Bakı meriyasının əməkdaşı Nəriman Ağayev E.Abdullayevin rəhbəri olduğu keçmiş Beynəlxalq Universitetin binasının sökülməsinin qarşısını alacağı vədi ilə ondan pul adlığına görə həbs edilib, keçmiş deputat Gülər Əhmədovanın oğlu isə əsgər aparılıb. Bu sırada E.Abduallayev PA-nın rəhbəri Ramiz Mehdiyevin övladları ilə bağlı videolar yayacağı barədə anons verib. Keçmiş deputat Gültəkin Hacıbəyli isə “adı ən ağır korrupsiya cinayətlərində hallanan məmur korrupsiya ilə mübarizəyə rəhbərlik edir” bəyanatı ilə R.Mehdiyevi cinayətdə ittiham edib.
Müdafiə Nazirliyinin Daşkəsəndəki hərbi hissələrin birində əsgər ölümü ilə bağlı “qəfil ölüm” açıqlaması versə də əsgərin valideynləri onun döyülərək öldürülməsinə iddia edirlər.
“Baku Steel Company” mühafizəçilərinin “Şəhriyar-99” şirkətinə basqınına şirkət əməkdaşları müqavimətlə cavab veriblər və güclü toqquşma baş verib.
“Zerkalo” Qəbələ PLS məsələsində Rusiya-Azərbaycan razılaşmamasını nəzərdə tutaraq “Kremlin Bakıdan “inciməyə” əsası olduğunu” yazır və bu faktın Qarabağ münaqişəsinin tənzimlənməsi üzrə Rusiyanın siyasətini müəyyənləşdirəcəyini nəzərə çatdırır.
Qazdan zəhərlənmə və qaz partlayışları üzrə illik statistikanın təsəlliverici olmadığını yazan qəzet “səbəb nədir?” sualını gündəmə gətirir.
“Ekspress” Müdafiə Nazirliyinin Daşkəsəndəki hərbi hissələrin birində əsgər ölümünü “qəfil ölüm” adlandırmasına baxmayaraq, əsgərin valideynlərinin onun döyülərək öldürülməsi iddiasından sonra Hərbi Prokurorluğun cinayət işi açmasına “postda müəmmalı ölüm” mövqeyini ifadə edir.
“Exo” 2012-cu ildə azərbaycanlı turistlərin xarici ölkələrdə 600 milyon manat pul xərclədiklərini nəzərə çatdırır.
“Novoe Vremya” ABŞ-da Azərbaycanla bağlı dinləmələr keçirilməsini “Azərbaycanda prezident seçkilərinə həm də Qərbin hazırlaşması” kimi dəyərləndirir.
Son günlər hökumətyönlü mətbuatda 2013-cü il seçkilərində dövlət başçısı İlham Əliyevin birmənalı və böyük üstünlüklə qalib gələcəyi haqda bəyanartlara qəzet “yenə də seçkisiz seçkilər?” mövqeyini ifadə edir.
“Bizim yol” metro çəkilişi ilə bağlı avtovağzal yaxınlığındakı evlərin söküləcəyinə toxunaraq bunu “metropolitenin rəisi Tağı Əhmədovun “köçkün üsyanı” hazırlaması” adlandırır.
“Yeni Müsavat” PA ictimai-siyasi şöbəsinin müdiri Əli Həsənovun mətbuata açıqlamasını iqtidarın islahatlara getməməsi, ölkəni gərginliyə aparması kimi dəyərləndirir.
Cəmiyyət fəalları əsgər ölümləri ilə bağlı yanvarın 12-nə etiraz aksiyası təyin ediblər.
Eks-prezident Əbülfəz Elçibəyin qəsdən zəhərlədilməsilə bağlı cinayət işi üzrə eks-prezidentin xanımının ikinci dəfə istintaqa ifadə verməsi haqda informasiyanı ailə üzvləri təkzib ediblər.
Çeçenistan prezidenti Ramzan Kadırov Azərbaycandan Çeçenistana narkotik maddənin daşınması haqda açıqlama verib.
-
- İqtisadiyyat
- 10 Yanvar 2013 11:39
-
- Siyasət
- 10 Yanvar 2013 12:17
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz