Nazirlər Kabineti 2013-cü il üçün dövlət investisiyaları vəsaitini nazirliklər və idarələr arasında bölüşdürüb. Vəsaitin ümumi məbləği 6,9 mlrd. manat təşkil edir.
Ənənəyə uyğun olaraq hökumət dövlət investisiyaları vəsaitinin bölünməsi barədə sərəncamı məxfi saxlayır. Lakin üçüncü sektor bu sənədi “əldə edə” bilib.
İqtisadi Təşəbbüslərə Yardım İctimai Birliyinin (İTY) sədr müavini Rövşən Ağayev sosial şəbəkədə bu sərəncamdan bəzi göstəriciləri dərc edib. Belə ki, Qusar rayonunda dağ-xizək kompleksinin yaradılması üzrə tikinti-quraşdırma işlərinin davam etdirilməsinə 2013-cü ilin dövlət büdcəsindən əlavə olaraq 100 mln. manat ayrılıb. Beləliklə, bu layihəyə ayrılan dövlət investisiyalarının ümumi həcmi $1,3 mlrd.-ı ötüb. İqtisadçı hesab edir ki, bu cür kommersiya obyektlərinin dövlət tərəfindən inşası düzgün deyil. “Dövlət biznes üçün elə şərait yaratmalıdır ki, özəl sektor bu cür layihələrə investisiya qoyuluşunda maraqlı olsun”, - o qeyd edib.
Eyni zamanda R.Ağayevin fikrincə, dağ xizəkçiliyi idmanına və dağ turizminə böyük vəsait qoyuluşu kommersiya baxımından da özünü doğrultmur. Belə ki, regionda (Türkiyə və Gürcüstan) artıq oturuşmuş analoji komplekslər var. İnvestisiyaların verilməsi uzun vaxt apara bilər.
Qeyd edək ki, dağ - xizək kompleksinin inşasının operatoru Mədəniyyət və Turizm Nazirliyidir. İndiyə qədər kompleksdə bır xizək trası, kanat yolu və bir neçə otel istifadəyə verilib. 08B
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz