Rəsmi qəzetlər dövlət başçısı İlham Əliyevin Samux rayonunun Samux-Füzuli-Lək-Əlibayramlı-Qarabağlar-Çobanabdallı-Samux avtomobil yolunun tikintisi ilə bağlı 3 milyon manat vəsaitin ayrılması ilə bağlı sərəncamının mətnini ilk səhifələrə yerləşdiriblər.
“Azadlıq” qəzeti. Metropolitenin keçmiş rəisi Tağı Əhmədovun hakim işləyən oğlundan 79 min manat pulunu ala bilməyən Qarabağ əlili T.Əhmədova xəbərdarlıq edib ki, pulunu ala bilməsə intihar edəcək.
Paşayevlər ailəsinin iqtidaryönlü KİV-ləri hakimiyyətdəki “Naxçıvan qruplaşması”nın əlindən çıxarmağa çalışdığını yazan qəzet bunu “hakimiyyət daxilində media savaşı” adlandırır.
Azərbaycanla birgə “Şərq tərəfdaşlığı” layihəsində olan Ukrayna, Moldova və Gürcüstanın birmənalı “Qərb seçimi” etməsini, rəsmi Bakının tərəddüd içində qalmasını qəzet “Əliyev hakimiyyətinin əsl qorxusu”nun başlaması adlandırır.
Qəzet hüquq-mühafizə orqanlarının özbaşınalığına toxunaraq Kürdəmirin Söyüdlər kəndində Füzuli Əsgərov adlı sakini narkotik maddə istehsalçısı kimi həbsə alındığını yazır.
“Ekspress”. Bəzi mətbuat orqanlarının müdafiə naziri Zakir Həsənovun istefa ərizəsi yazması ilə bağlı nazirlik xəbərin dezinformasiya olduğunu bildirib.
“Xəzərdənizgəmiçilik” QSC-də əməkdaşların kütləvi şəkildə ixtisar edilmələrini qurumun təmsilçisi “yeni qurumun yaradılması ilə bağlı təbii ixtisar prosesi” adlandırıb.
“Exo” Azərbaycanda “robot-cərrahlar”ın “peyda olacağı” və bu təcrübənin ölkədə tətbiqi üzərində artıq işin getməsi xəbərini önə verib.
Ölkədə mənzil tələbatına toxunan qəzet ekspertlərə istinadən sosial mənzil tikintisi üçün ildə 400 milyon manat ayırmaqla Azərbaycanın bu problemi həll edə biləcəyini nəzərə çatdırır.
“Novoe Vremya” yeni Ukrayna hakimiyyətində bir sıra azərbaycanlının vəzifələrə gəlməsinə “Azərbaycandan olan avara, fırıldaqçıların Ukraynada dövlət vəzifələrini ələ keçirmələri” həqarəti səgriləyir.
“Bizim yol” böyük vergi ödəyicilərindən “Azərenerji”nni dövlət büdcəsinə 700 milyon manat borclu qalmasını ilk səhifəyə çıxarıb.
Hüquq müdafiəçiləri “Talışi sədo” qəzetinin redaktoru Hilal Məmmədovun azad olunması üçün Əfv komissiyasına müraciət ünvanlayıblar.
Sakin Güləndam Əhmədova həkimə gedib gələnə qədər Böyük-Şor yaxınlığındakı evinin dağıldığına görə hələ də ədalətli kompensasiya ala bilmədiyini bildirib.
“Yeni Müsavat” beynəlxalq basqıları azaltmaq üçün rəsmi Bakının bələdiyyə seçkilərində “demokratik seçki fonu” yaratmaq istəməsini “iqtidarın çoxbaşlı bələdiyyə islahatı” adlandıraraq önə çıxarıb.
Tanınmış məhrum sənətkar Rəşid Behbudovun xatirəsinin dövlət səviyyəsində yad edilməməsi haqda qızının etirazlarına Mədəniyyət Nazirliyi “dünyasını dəyişdiyi gün hər dəfə dövlət səviyyəsində qeyd oluna bilməz” cavabını verib.
Metronun “Neftçilər”, “Qara Qarayev” stansiyaları yaxınlığnda çalışan taksiçilər Nəqliyyat Nazirliyi və polisin onlara işləməyə imkan verməməsilə bağlı dövlət başçısına müraciət ünvanlayıblar.
Cəmiyyət
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
Rəy yaz