![Mətbuat-Monitorinq 11.01.14](https://turan.az/resized/750/500/resize/media/2014/main/011100065008.jpg)
Mətbuat-Monitorinq 11.01.14
Rəsmi qəzetlər dövlət başçısı İlham Əliyevin 2014-cü ili ölkədə “sənaye ili” elan etməsi haqda imzaladığı sərəncamın mətnini ilk səhifələrə çxıarıblar. Bundan əlavə, bu qəzetlərdə müxalif qüvvələrin birliyi olan Milli Şuranın dağılaraq sıradan çıxması haqda məqalələr yer alıb.
“Azadlıq” qəzeti Nazirlər Kabinetinin bu günlərdə keçirilmiş iclasında dövlət başçısı İlham Əliyevin korrupsiyaya qarşı mübarizənin davam edəcəyi haqda bəyanatını “növbəti blef” adlandıraraq ilk səhifəyə çıxarıb.
Dövlət başçısının müəyyən etdiyi Azərbaycan Avropa İttifaqı əməkdaşlıq çərçivəsini hüquq müdafiəçiləri “Afrika, Asiya ölkələri səviyyəsində əməkdaşlıq” kimi dəyərləndiriblər.
Dövlət başçısı İlham Əliyevin seçkilərdə qələbəyə görə xalqa təşəkkür etməsinə prezidentliyə keçmiş namizəd Cəmil Həsənli “o xalqa yox, MSK-ya minnətdar olmalıdır” cavabını verərək seçkilərin saxtalaşdırılmasına işarə edib.
Absurd ittihamlarla mühakimə edilən ölkənin gənc siyasi fəallarından İlkin Rüstəmzadənin məhkəmə prosesində “MTN-də ABŞ MDİ-nın Bakı ofisinin rəhbərinin əleyhinə ifadə verməyə məcbur edilməsi” hadqa bəyanatına hüquq müdafiəçiləri “bu beynəlxalq qalmaqala səbəb ola bilər” şərhini veriblər.
Ölkənin gənclər təşkilatlarının təmsilçiləri Müsavat Partiyasının Milli Şuranı tərk etməsinə dair açıqlamalarında bu gedişə tənqidi münasibət ifadə ediblər.
Yazar Rafiq Tağının qətlilə bağlı cinayət işinin xətm olunmasına yaxınları “biz bilirik ki, qatil tapılıb, amma bu qətldə maraqlı olan müəyyən şəxslərə görə ört-basdır edilir” ittihamını səsləndiriblər.
“Ekspress” ekspertlərə istinadən ölkənin mənzil bazarında bu il qiymətlərin 6-10% arasında bahalaşacağı haqda xəbəri önə çəkib.
“Novoe Vremya” ölkə shiyyəsinin acınacaqlı durumda olması haqda təhlili məqalə dərc edərək “Azərbaycan səhiyyəsindən hara qaçaq?” sualını ünvanlayır.
Azərbaycanın sələfi təriqətinə mənsub vətəndaşlarının Suriyada “cihad döyüşlərində” ölümlərinə dair xəbərlərinə qəzet “Suriya əks-sədası Azərbaycanda” şərhini verir.
“Yeni Müsavat” Qarabağ qazisi Zaur Həsənlinin özünü yandıraraq intiharına səbəb olan mübahisəli torpaq sahəsinin keçmiş müdafiə naziri Səfər Əbiyevin yaxınlarına aid “Edis Qroup” şirkətinə məxsus olduğunu bildirir.
Qəzet keçmiş baş nazir Surət Hüseynovun “Qazilər Fondu” yaratmasında “rus barmağı” olması haqda iddiaların olmasını önə çəkərək bu addımı “siyasətə təhlükəli dönüş” adlandırır.
Sələfi təriqətinə aid Azərbaycan vətəndaşlarının Türkiyə ərazisi vasitəsilə Suruyada döyişlərə qatılmalarına mane olmadıqlarına görə Türkiyə və Azərbaycan xüsusi xidmət orqanları arasında gərginliyin yüksək həddə çatdığı iddia edilir.
Nəqliyyat Nazirliyinin Tbilisi prospektindəki inzibati binasının və nazir Ziya Məmmədova məxsus “Karvan” şadlıq sarayının plana düşdüyü üçün söküləcəyi bildirilir.
Cəmiyyət
-
Avropa Siyasi Birliyinin dördüncü zirvə görüşü çərçivəsində iyulun 19-u Londonda Azərbaycan və Ermənistan liderlərinin görüşü gözlənirdi. Amma bu, baş tutmadı. Rəsmi Bakı Ermənistanın, Yerevan isə, əksinə, Azərbaycanın bu görüşdən imtina etdiyini açıqladı.
-
Windows 10 bazasındakı qurğuların işində qlobal fasilə Bakı Beynəlxalq Hava Limanının fəaliyyətinə təsir etməyib. Paytaxt hava limanından Turan Agentliyinə verilən məlumata görə, bu obyketdə əməliyyatlar "Amadeus" sistemindən istifadə ilə həyata keçirilir, bu sistemin işində fasilə yaranmayıb.
-
Azərbaycanlı iqtisadçılar qrupu, keçmiş millət vəkili və iş adamı Nazim Bəydəmirli üçün həbs-qətimkan tədbirinin dəyişdirilməsinə yardım göstərməsi üçün Prezident İlham Əliyevə müraciət edib.
-
İyulun 20-də Bakıda və Abşeron yarımadasında hava şəraitinin əsasən yağmursuz keçəcəyi gözlənilir. Şimal-şərq küləyi əsəcək.
Rəy yaz