Mətbuat-Monitorinq 12.01.13
Rəsmi qəzetlər dövlət başçısı İlham Əliyevin Şirvan şəhərinin sosial inkişafı üçün 2 milyon manat vəsait ayırması haqda sərəncamının mətnini dərc ediblər.
“Azərbaycan” və “Yeni Azərbaycan” qəzetləri Ziyalılar Forumunun, xüsusən tanınmış ziyalı və ictimai xadim Rüstəm İbrahimbəyovun fəaliyyətini ləkələməyə çalışan məqalələr dərc ediblər.
“Azadlıq” qəzeti yaydığı videolarla ölkə gündəmində diqqət mərkəzində olan keçmiş rektor Elşad Abdullayevin qardaşı Mahir Abdullayevin 2003-cü ildə oğurlanması ilə bağlı Əliyev və Paşayevlər ailəsi üzvlərinin adlarını çəkir.
Rəsmi Bakının əsgər Ceyhun Qubadovun ölümünü siyasiləşdirməmək çağırışlarına cəmiyyət fəalları “bu ordu hərbi hissələrdə qapalı şəkildə iqtidar namizədlərinə səs verməyə məcbur ediləndə siyasiləşib” reaksiyasını veriblər.
Şərhçilər PA ictimai-siyasi şöbəsinin müdiri Əli Həsənovun “heç özüm də bilmirəm bir aydan sonra vəzifəmdə qalacağam ya yox” bəyanatını Ramiz Mehdiyev qruplaşmasının iqtidardaxili mübarizədə “ağ bayraq” qaldırması sayır.
Deputat Vahid Əhmədov 2012-ci ilin 1 mart Quba olayları ilə bağlı “Qubada baş verən hadisələrin yeganə təqsirkarı yalnız Rauf Həbibovdur” bəyanatını verərək bu məsələ bağlı bütün həbsləri əsassız adlandırıb.
“Zerkalo” Qarabağ münaqişəsinin tənzimlənməsində Rusiya ilə ABŞ arasında ziddiyyətin olmasına “Qarabağ münaqişəsi müxtləif ölçülərdə” mövqeyini ifadə edir.
İndiyə kimi baş vermiş əsgər ölümlərinə reaksiya verməyən iqtidar deputatlarının əsgər Ceyhun Qubadovun ölümünə reaksiyasını səmimi saymayan qəzet “Deputat diplomatiyası? Buna qədər əsgər anasını kim eşidib?” sualını ünvanlayır.
“Ekspress”. Əsgər Ceyhun Qubadovun ölümü ilə bağlı korpus komandiri Rövşən Əkbərov “əsgər öldürülməyib, dağdan yıxılaraq ölməsi” barədə bəyanat səsləndirib. Qəzet əsgərin ölümü ilə bağlı 4 zabitin rütbəsinin endirilməsini, 2 nəfərin həbsə alınmasını “ölümdən sonra paqonsökmə” kimi dəyərləndirir.
“Exo” Bakıda qar yağımı zamanı bir gündə yolların təmizlənməsinə 125 min manatın xərcləndiyini diqqət mərkəzinə çəkir.
“Novoe Vremya” yazır ki, tanınımış vəkil İntiqam Əliyev İlham Əliyevin Ali Baş Komandan olaraq əsgər ölümlərinə fgörə məsuliyyət daşıdığını bəyan edib.
“Yeni Müsavat”. Baş Prokurorluğun yaydığı açıqlamada keçmiş rektor Elşad Abdullayevin yaydığı “deputatlıq rüşvəti” videosunun əsas fiquru keçmiş deputat Gülər Əhmədova mərhum Sevinc Babayevanı ölkədən qaçırmaqda ittiham olunur.
Məmmədovlar ailəsi evlərinin sökülməsinə mane olmaq istərkən “Balaxanıneft” əməliyyat şirkətinin mühafizəçiləri tərəfindən döyülüb. Qəzet vətəndaşların əleyhinə cinayət və mülkiyyətin dağıdılması hallarının davam etdiyini bildirir.
-
- Siyasət
- 12 Yanvar 2013 11:16
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz