![RF Mədəniyyət Nazirliyi yanında İctimai Şurada və Birinci kanalda özgəfikirliliklə mübarizə](https://turan.az/resized/750/500/resize/media/2013/main/011200024353.jpg)
RF Mədəniyyət Nazirliyi yanında İctimai Şurada və Birinci kanalda özgəfikirliliklə mübarizə
Sosial şəbəkələrdə drugoi niki ilə tanınan rusiyalı-norveçli bloger Rustem Adaqamovun səhifəsi bağlanıb.
Bu, “intiharın təbliğinə” qadağa ilə bağlı Roskomnadzor –un (qadağan edilmiş saytların reyestrinin operatoru) tələbilə edilib. Buna səbəb kimi Hindistan hadisələri göstərilib. Belə ki, “Tibetin müstəqilliyi uğrunda” hərəkatın fəalı ÇXR sədrinin gəlişinə etiraz olaraq özünü yandırıb.
“Jivoy Jurnal”ın təsisçisi və administratoru İlya Dronov bunu nonsens hesab edir, çünki Rusiyada qadağan olunmuş fotolara başqa ölkələrdə baxmaq olar. O, bu qərardan şikayət verəcəyini bildirib.
Öz növbəsində RF İstintaq Komitəsi blogerin keçmiş həyat yoldaşının müraciətini araşdırmağa başlayıb. Belə ki, altı ildən sonra o, Aqadamovu yetkinlik yaşına çatmayan şəxslə seksual cinayətlərdə ittiham edib.
Maraqlıdır ki, bu bloger uzun müddət Rusiya prezidentini səfərlərdə müşayiət edib, 2012-ci ilin iyulunda formalaşmış RF Mədəniyyət Nazirliyi yanında İctimai Şuraya daxil olub. Lakin bir müddət əvvəl qəflətən müxalifətçilik mövqeyinə görə gözdən düşüb.
Rusiyada ikili və ya üçlü vətəndaşlığı olan jurnalistlərə qarşı bu cür metamorfozalar yeni deyil. Belə ki, Dövlət Duması “Rusiyanın və onun hakimiyyət orqanlarının sistematik olaraq diskreditasiyası ilə məşğul olaraq” xarici vətəndaşlığı olan şəxslərin dövlət KİV-də çalışmasına qadağanı nəzərdə tutan “Pozner qanunu”na baxmağa hazırlaşıb.
Tanınmış jurnalist və ədib Vladimir Pozner Aqadamovdan daha çox populyardır. Lakin Putinlə razılaşmamağı dərhal onun xidmətlərinin unudulması ilə nəticələnib: Xalqlar Dostluğu və Şərəf ordeni (Yeltsinin dövründə); “Vətən qarşısındakı xidmətlərinə görə” 4-cü dərəcəli (2006-cı ildə Putinin dövründə “yerli teleradioyayımın inkişafına verdiyi böyük töhfəyə və çoxillik səmərəli fəaliyyətə görə verilib).
Bu günlərdə Pozner özünün pozneronline.ru saytında onu dəstəkləyənlərə təşəkkürünü bildirib və deyib ki, Dövlət Dumasında hələlik bu qanun layihəsinə baxmaqdan imtina ediblər.
“Mən sənət yoldaşlarıma, tamaşaçılara, televiziya tənqidçilərinə, laqeyd olmayan insanlara, məni dəstəkləməklə Rusiyada söz azadlığına tərəfdar olanlara, Rusiyada jurnalistikanın kiminsə xidmətçisi deyil, əsl jurnalistika olması üçün hakimiyyətin istənilən qolunu tənqid etmək hüququnu dəstəkləyənlərə dərin təşəkkürümü bildirmək istəyirəm”, - Pozner vurğulayıb. -17D—
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz