Mətbuat-Monitorinq 12.01.15

Rəsmi qəzetlər dövlət başçısı İlham Əliyevin sədrliyi ilə yanvarın 10-da Nazirlər Kabinetinin iclası haqda xəbərləri ilk səhifələrdə yerləşdiriblər.

“Azadlıq” qəzeti dövlət başçısı İlham Əliyevin sədrliyi ilə Nazirlər Kabinetinin yanvarın 10-da keçirilən müşavirəsinə PA-nın rəhbəri Ramiz Mehdiyevin qatılmamasını manjetə çəkərək bunu “R.Mehdiyevin səhhətində ciddi probemlər olması haqda xəbərlərin təsdqilənməsi” kimi dəyərləndirir. Nazirlər Kabinetinin iclası I.Əliyev üçün “təsəlli müşavirəsi”, iqtisadi uğurlar haqda danışılanlar isə “gözəgörünməz “uğur” bolluğu” adlandırılır.

AXCP bu günlərdə hbsə alınan fənc fəal Elvin Abdullayevin həbsini iqtidarın müxalif qüvvələrə qarşı repressiyasını davam etdirməsi kimi dəyərləndirib. Qəzet yazır ki, müstəntiq həbsdə olan AXCP sədrinin müavini Asif Yusifliyə notarius təsdiqi üçün imza verməsinə qadağa qpyduğu üçün ailəsi ona aid I qrup əlillik təqaüdünü ala bilmir.

“Azərkörpü” bütün layihələrini dayandırdığını yazan qəzet bun a səbəb kimi neftin ucuzlşamasını göstərir, əməkdaşların ixtisarına başalanacağı gözlənilir.  

Politoloq Vəfa Quluzadə Dərbənddə Nizaminin heykəlinə qarşı təxribatı təsadüfi saymayaraq bunu “rəsmi Bakıya mesaj” kimi dəyərləndirib.

Ekspertlər yanvarın 12-də Vaşinqtonda Azərbaycanla bağlı dinləmələri “rəsmi Bakı üçün yaxşı heç nə vəd etməyən tədbir” kimi qiymətləndiriblər. ABŞ Makkeyn institutunun rəhbəri Devid Kramer rəsmi Bakının Rusiyaya “stavka” etməsinə “bəxtinin gətirməsinə ümid etməli olmaı” ironiyası ifadə edib. ABŞ senatoru Menendes rəsmi Bakıya repressiyaların ABŞ-la münasibətlərə mane olacağı bəyanatı səsləndirərək “Azadlıq” radiosuna hücumu pisləməsi, fəliayyətinə imkan yaratması, bütün siyasi məhbusları azad etməsi” çağırışı edib.

Psixoloq Azad İsazadə ölkədə qanlı cinayətlərin artmasını “cəmiyyətdəki aqressiyanın artmasını göstəricisi” kimi dəyərləndirib. 

“Yeni Müsavat” qəzeti bu gün Vaşinqtonda Azərbaycanla bağlı krtik dinləmələr başlamasını önə çəkərək bunu “rəsmi Bakı-Ağ Ev münasibətlərinin yeni testlə üz-üzə qalması” kimi dəyərləndirir.

Qəzet Nazirlər Kabinetinin bu günlərdəki müşavirəsində dövlət başçısı İlham Əliyevin Qarabağa probleminə münasibətdə “artıq diplomatik dillə danışmağa da ehtiyac yoxdur” bəyanatını “ermənilərə və havadarlarına sərt mesaj” adlandırır.

Müsavat partiyasının keçmiş başqanı İsa Qəmbər Azərbaycanın ABŞ-la qarşıdurmasına “Rusiya kimi nəhəng bir dövlət ABŞ-la, Qərblə mübarizədə 6 ay ayaqüstə dura bilmədisə, Azərbaycanın ABŞ-la qarşıdurmasınn nə anlamı ola bilər?”  şərhi verib.

Dejkabrın 22-də 14 saylı həbsxanada məhkum Elşad Babayevin qətlinə etiraz edərək “tubzon” adlı ərazidə işəncəyə məruz qalan məhkumların yaxnıları onlarla görüş məqsədilə adı həbsxana önündə piket keçiriblər.