Naxçıvan Muxtar Respublikasında (NMR) radiokommunikasiya vasitələrinin və yüksək tezlikli qurğuların effektivliyinin artırılması üçün Radiotezliklər üzrə Komissiya (TK) yaradılıb. Sədr funksiyasını NMR-in baş naziri yerinə yetirəcək. NMR Ali Məclisinin sədri Vasif Talıbov yanvarın 6-da müvafiq fərman imzalayıb.
RTK haqqında əsasnaməyə görə, (http://www.huquqiaktlar.nakhchivan.az/StatementDetails.aspx?statementId=1328) komissiya radiotezliklərin istifadəsinin tənzimlənməsi, şüalanmaya nəzarət və öz səlahiyyətləri daxilində olan başqa məsələlərə dair danışıqlarda iştirak edəcək nümayəndəlik üçün texniki tapşırıqlar və iş materialları hazırlayacaq.
Muxtar respublikada yerləşən xarici dövlətlərin diplomatik nümayəndəliklərinin və beynəlxalq təşkilatların nümayəndəliklərinin radioelektron vasitələri üçün verilmiş radiotezliklərin razılaşdırılmasını və bu tezliklərin müəyyən olunmuş qaydada qeydiyyat işlərini aparacaq.
NMR rəhbəri NMR Nazirlər Kabinetınə tapşırıb ki, “Radiotezliklərin ayrılması, qeydiyyatı, istifadəsi və ödənişlərin təyin olunması qaydaları”nı təsdiq etsin. 08D
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz