Rəsmi qəzetlər dövlət başçısı İlham Əliyevin Çinə səfərinə dair xəbər və fotoları ilk səhifələrdə yerləşdirirlər.
Bundan əlavə, bu qəzetlər dövlət başçısı Heydər Əliyevin vəfatının növbəti ildönümü ilə bağlı məqalələr dərc ediblər.
“Azadlıq” qəzeti MTN-in həbs edilən generalı Akif Çovdarovun məşhur futbolçularla iş birliyinin olmasına toxunur və iş adamı Mircəlal Nəsrullayevin bu işdə məşhur futbolçu İsgəndər Cavadovun adını hallandırmasına diqqət çəkir.
Şamaxı şəhərində general Bəylər Əyyubova məxsus “Şirvan” otelinin baş mühasibi borc səbəbindən intihar edib.
Son qurultayı bu il sentyabrın sonunda keçirilsə də hələ də qeydiyyata alınmadığı üçün AXCP Ədliyyə Nazirliyinə qarşı məhkəmə iddiası qaldırıb.
Narkotik maddə saxlamaq ittihamı ilə şərlənərək həbsə alınan AXCP-nin gənc fəallarından Elvin Abdullayevin səhhətində problem yaranıb.
BMT-nin İşgəncələr Əleyhinə Komitəsinin toplantısında rəsmi Bakının hesabatı darmadağın edilib, insan haqları urğunda mübarizəyə görə həbs alınanlara azadlıq tələb edilib.
“MTN işi” çərçivəsində həbsə alınan Rabitə Nazirliyi aparatının rəhbəri vəkili vasitəsilə ictimaiyyətə “MTN işi” ilə hər hansı əlaqəsinin olmadığı mesayını verib.
Ölkənin müxalif siyasi qüvvələrinin təmsilçiləri AXCP sədrinin müavini Fuad Qəhrəmanlının həbsinə “hansı maddə ilə ittiham edilməsi mənasızdır, bu həbs birmənalı olaraq siyasi həbsdir” mövqeyini ifadə ediblər.
Azərbaycan dövlətinin mafiyanın əlində olduğunu deyən vəkil Qurban Məmmədov ölkəni idarə edənləri “cinayətkarlardan da təhlükəli” adlandırıb.
“Azərbaycan” nəşriyyatının baş direktoru Ağabəy Əsgərov konkret ad çəkmədən bəzi yüksək rütbəli məmurları “reket mətbuat”a dəstək verməkdə ittiham edib.
Qəzet son 11 ildə ölkədən 95 milyard dolların qanunsuz çıxarılmasını “ölkəni böhrana aparan 95 milyard” kimi dəyərləndirir.
“Ekspress” “MTN işi” çərçivəsində 250 nəfərin MTN-dən xaric olunduğunu və MTN rəhbəri Mədət Quliyevin “ixtisarların davam edəcəyi” barədə bəyanatını önə çəkib.
“Novoe Vremya” neftin qiymətinin ucuzlaşmasını və geosiyasi prosesləri Azərbaycana “çağırış” kimi ilk səhifədə yerləşdirib.
“Bizim yol” Beynəlxalq Bankın keçmiş rəhbəri, həbsdə olan Cahangir Hacıyevin kreditlərin verilməsinə görə məsuliyyəti Müşahidə Şurasının sədri, maliyyə naziri Samir Şərifovun üstünə atmasını ilk səhifədə yerləşdirib.
“Yeni Müsavat” “MTN işi” çərçivəsində həbs edilən Beynəlxalq Bankın keçmiş rəhbəri Cahangir Hacıyevin yüksək vəzifəli şəxslərin günahkar qismində adlarını çəkməsini “yeni həbslərin gözlənilməsi kimi” ilk səhifəyə çıxarıb.
Politoloq Ərəstun Oruclu MTN şefi Eldar Mahmudov və komandasının hakimiyyəti ələ keçirmək kimi məqsədi olduğunu, PA əməkdaşlarının az qala hamısını nəzarətinə götürmələrini nəzərə çatdırır.
Qəzet Nardarana yaxın kənd və qəsəbələrdəki məktəblərin mühafizəsinə silahlı polislərin cəlb edildiyini, valideynlərə uşaqları məktəbə özlərinin gətirib-aparmaları barədə xəbərdarlığın olunduğunu bildirir.
“Nardaran hadisələri” ilə bağlı Cəlilabad sakini, “Müsəlman Birliyi” Hərəkatının üzvü Ramin Əliyev saxlanılaraq Bakıya gətirilib.
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz