Mətbuat-Monitorinq 13-14.07.14

Rəsmi qəzetlər dövlət başçısı İlham Əliyevin Nazirlər Kabinetinin iclasında ölkə  regionlarının inkişafına dair mövqeyini, bəzi qanunlarn tətbiqilə bağlı imzaladığı sərəncamların mətnini  dərc ediblər.  

 “Azadlıq” qəzeti bu günlərdə Azərbaycandan Türkiyəyə aparılmaq üçün keçirilən 3 ton maye heroinin Gürcüstanda tutulmasını “hakimiyyətdə “heroin şoku”” kimi dəyərləndirir.

Qəzet yazır ki, Böyük Britaniyanın “The İndependent” qəzeti Əliyev hökumətini “diktatura rejimi” adlandırdığı üçün rəsmi Bakı qəzetə etiraz məktubu ünvanlayıb.

Bank hesabları dondurulan bəzi QHT-lər hüquq-mühafizə orqanlarının bu özbaşınalığına cavab olaraq məhkəmə çəkişməsinə hazırlaşırlar.

Qəzet rəsmi Bakını tənqidə məruz qoyduqları üçün Böyük Britaniya qəzetlərinə verilən cavablara ekspertlərin “iqtidar bu davranışı ilə ona qarşı səsləndirilən tənqidlərdə beynəlxalq aləmin haqlı olduğunu sübut edir” şərhi verdiklərinə diqqət çəkir.  

Ölkə təhsilinin vəziyyətini təhlil edən qəzet duruma “Azərbaycan təhsili – sükanı səriştəsiz əllərdə olan gəmi” mövqeyi sərgiləyir.

“Yeni Müsavat” qəzeti Azərbaycandan Türkiyəyə aparılması nəzərdə tutulan, amma Gürüstanda ələ keçən 167 milyon manatlıq heroin əməliyyatının Azərbaycan üçün ciddi problemlər yarada biləcəyinə dair xəbəri önə verib.

Qəzet yazır ki, “Hafka” ləqəbli iş adamı Hafiz Məmmədova məxsus bankı ələ keçirən Beynəlxalq bankın rəhbəri Cahangir Hacıyev indi H.Məmmədova məxsus iki xarici iki futbol klubunu iş adamından almaq istəyir.

Qəzet yazır ki, dünya şöhrətli azərbaycanlı cərrah, ictimai xadim, d-r Cavad Heyət iyunun 13-də Bakıda 89 yaşında rəhmətə gedib.

Qəzet qeyd edir ki, bu günlərdə  Goranboy rayonunda saxlanılan Müsavat partiyası rayon təşkilatının sədri Yusif Namazoğlu rayon polis rəisinin gözü önündə məruz qaldığı fiziki zorakılıqda 2-3 dişini itirdiyini nəzərə çatdırır.

Ölkənin yol polisi son 10 ildə yol qəzalarında 10 min 990 nəfərin həlak olduğunu,  2012-ci ildə cəmi 1,3 milyon avtomobili olan Azərbaycan yollarında 1168, 5,5 milyon ədəd maşını olan İsveçdə isə cəmi 260 nəfər ölüb.

Bakıda sərnişin avtobuslarında kondinsionerlərin işləməməsinə sürücülər “kondisioner xeyli benzin yeyir, bəs planı necə verək” cavabı veriblər.