Ilham Əliyevin İtaliyaya rəsmi səfəri başalyıb

İyulun 13-də prezident  Ilham Əliyev İtaliyaya rəsmi səfərə gedib.

Roma Beynəlxalq Hava Limanında Azərbaycanın dövlət başçısını İtaliyanın yüksək rütbəli dövlət və hökumət rəsmiləri qarşılayıb.

Ilham Əliyev səfər çərçivəsində bu ölkənin rəhbərliyi ilə “Cənub qaz dəhlizi” ilə Azərbaycan qazının İtaliyaya tədarükü məsələsini müzakirə edəcək.

Qeyd edək ki, 19 sentyabr 2013-cü ildə Bakıda “Şahdəniz” konsorsiumu və 9 Avropa şirkəti “Şahdəniz 2” layihəsi çərçivəsində Azərbaycan qazının alqı-satqısı barədə saziş imzalayıb. İmzalanan sənədə əsasən, 2019-cu ildən başlayaraq, TAP boru kəməri ilə 10 mlrd kubmetr Avropa bazarlarına tədarük ediləcək. Bunun 8 mlr kubmetri İtaliyaya çatacaq.

Bu ilin ilk beş ayında İtaliya mallarının idxalı 4,4% azalaraq $87,8 mln. təşkil edib. Azərbaycandan İtaliyaya ixrac 2013-cü ilin müvafiq dövrü ilə müqayisədə 1,6% artaraq $2 mlrd. 361,6 mln. təşkil edib. İtaliya  18,8% göstərici ilə Azərbaycanın xarici ticarət əməliyyatlarında birinci yeri tutur.

Azərbaycan Dövlət Gömrük Komitəsinin məlumatına görə, son illər iki ölkənin xarici ticarət dövriyyəsi üzrə ən yüksək göstərici 2011-ci ildə qeydə alınıb -$9,6 mlrd.  2013-cü ildə bu göstərici  $6 239 ml.n-a enib. Bunun $250 mln.-u İtaliya ixracının payına düşür. Son üç ildə İtaliyadan mal idxalının həcmi bu rəqəm civarındadır. Bu, 2009-2010-cu illərdə olduğundan iki dəfə çoxdur. Dövlət Statistika Komitəsi bildirib.

2013-cü ildə Azərbaycana 1400 adda mal, o cümlədən 300 ədəd müxtəlif avtonəqliyyat vasitələri göndərilib. Azərbaycandan isə neft və neft məhsulları ixrac edilib. –12В-