Rəsmi və iqtidaryönlü qəzetlər dövlət başçısı İlham Əliyevin qəbulları haqda xəbərləri ilk səhifələrə çıxarıblar. Qəzet iqtidarın “Qurtuluş günü” adlandırdığı 1993-cü il iyunun 15-də Heydər Əliyevin parlament sədri seçilməsinə dair məqalələr dərc ediblər.
Bundan əlavə, bu qəzetlər PA-nın rəhbəri Ramiz Mehdiyevin “Azərbaycanda müstəqil dövlətçiliyi yaradan və yaşadan Ümummilli Lider Heydər Əliyevin qadir siyasətidir” irihəcmli məqaləsini yerləşdirib.
Bu qəzetlər ölkənin demokratik qüvvələrinin Milli Şurasına qarşı “antimilli qüvvə” iftira və böhtan kampaniyasını davam etdirirlər.
“Azadlıq” qəzeti nazir Kəmaləddin Heydərova aid olduğu deyilən “AZFP.CO” şirkətində anti-insani münasibətə etiraz olaraq aksiya başlamasını manjetə çıxarıb.
Türkiyədəki aksiyalara görə 800 nəfərə ittiham irəli sürülməsinə məhkəmələrin “vətəndaşlar haqlarından yararlandıqları üçün ittiham irəli sürmək mümkün deyil” qərarını ekspertlər “Azərbaycan hakimlərinə dərs” adlandırırlar.
İqtidarın ünvanına bəyanatından sonra rəsmi Bakı baş nazirin keçmiş müavini Abbas Abbasova qarşı geniş kampaniyaya start verib.
Ekspertlər İranın Bakıda fəaliyyət göstərən “Xomeyni İmdad komitəsi”nin bağlanmasına “qaranlıq məqamlar olmasaydı bağlamazdılar” şərhini veriblər.
Qəzet offşor zonalarda rektor, deputat Səməd Seyidova məxsus “DorTexResurs” şirkətinin fəaliyyət göstərdiyini, gəlirlərin bölüşdürülməsi məsələsində rektorla baş direktor arasında qalmaqalın yaşandığını nəzərə çatdırır. Milli Büdcə qrupu Azərbaycan büdcəsini “qeyi-şəffaf və səmərəsiz” sayır.
“Zerkalo” Dini Komitəyə istinadən ölkədə 577 dini icmanın qeydə alındığını, yeni məscidlərin açılması ilə bağlı 20 müraciətin edildiyini yazır.
“Ekspress”ABŞ-ın “Stratfor” Fondunun rəhbəri Corc Fridmanın “Müstəqil Azərbaycanin Rusiya və İranın boğazında sümük kimi qalması” bəyanatını ilk səhifəyə çıxarıb.
“Exo”. Əczaxana müəssisələrində aparılan yoxlamalar zamanı analiz protokolu və keyfiyyət sertifikatı olmayan 818 tibbi preparat bükülüsü aşkarlanıb.
“Bizim yol” keçmiş sovet respublikalarının hərbi bazasının Ermənistanda olacağını nəzərə çatdıraraq buna “rus ordusu Qarabağda
yerləşdirilə bilər” rəyini verir.
Qəzetin əməkdaşı İdrak Abbas sənədləşmə işilə bağlı Lerikə gedərkən orada təzyiqə məruz qalıb, Lerik şəhər icra nümayəndəsi Atamalı Nəcəfov onu küçə söyüşlərilə təhqir edib.
“Yeni Müsavat” qarşıdakı prezident seçkilərində Milli Şuranın prezidentliyə namizədinin Abbas Abbasov ola biləcəyini yazraraq buna “Rüstəm İbrahimbəyovun gizli namizədi açılır” mövqeyini ifadə edib.
Gürcüstanın Azərbaycanı inhisarçı sayaraq Qazaxıstandan qaz almağa başlamasını qəzet “ARDNŞ-nin Gürcüstanda sıxışdırılması” adlandırır.
Rəsmi Bakının Ermənistandan olanları Milli Şuraya qarşı qoymaq cəhdlərinə əslən bu zonadan olan nüfuzlu şəxslər “xalqı bu şəkildə bölmək təxribatdır” mövqeyini ifadə ediblər.
Qəzet rayonların inkişafı üçün dövlət qaynaqlarından ayrılan pulların icra başçıları tərəfindən mənimsənilməsi və təmir-tikinti işlərinin zorla iş adamlarına gördürülməsinin bütün ölkədə adi praktikaya çevrildiyini yazır.
Rəy yaz