Milli Məclisin bugünkü iclası Heydər Əliyevin parlamentin rəhbəri seçilməsinin 20 illiyinə həsr olunub.
İclas zamanı Ümid Partiyasının sədri, deputat İqbal Ağazadə hakimiyyəti siyasi motivlərlə həbs olunmuş REAL hərəkatının lideri İlqar Məmmədovu, Müsavat Partiyasının sədr müavini Tofiq Yaqublunu, həmçinin NİDA gənclər hərəkatının fəallarını azad etməyə çağırıb.
Onun fikrincə, prezident seçkiləri ərəfəsində beynəlxalq ictimaiyyətin diqqəti Azərbaycanda gedən daxili siyasi proseslərə yönəlib. Siyasi və vicdan məhbuslarının həbsdə saxlanması ölkənin imicinə mənfi təsir göstərə bilər.
Yeni Azərbaycan Partiyasının sədr müavini Siyavuş Novruzov bu fikirlərə reaksiya verərək bildirib ki, Azərbaycanda məhbuslar siyasi baxışlarına görə deyil, konkret cinayətlərə görə cəza çəkirlər. Yalnız məhkəmə sözügedən vətəndaşların qanunazidd əməllərinə qiymət vermək hüququna malikdir.
“Bəzi dələduzların mühakimə olunması seçkiqabağı prosesə xələl gətirə bilməz. İmicin yaxşılaşdırılması görüntüsü ilə biz cinayətkarlığın çiçəklənməsinə yol aça bilmərik. Müxalifətçilərin öz həmkarlarının azad edilməsi ilə bağlı xahişləri də müvəqqətidir və oktyabrın 16-da bitəcək”, -deputat vurğulayıb.--17D—
Siyasət
-
Azərbaycanla Avropa İttifaqı arasında icazəsiz yaşayan şəxslərin readmissiyası haqqında saziş çərçivəsində noyabrın 26-da Almaniyadan 37 Azərbaycan vətəndaşı geri qaytarılıb.
-
Bakı-Qazax avtomagistralının Tovuzdan keçən hissəsində qəza qeydə alınıb. Avtomobillərin toqquşması nətisində altı nəfər aldığı xəsarətdən dünyasını dəyişib.
-
Rəsmi Bakı Polşa prezidenti Ancey Dudanın Ermənistana rəsmi səfəri zamanı Azərbaycanla sərhədə getməsini pisləyib.
-
Times of India nəşrinin məlumatına görə, Pinaka raket sistemlərinin ilk partiyası Ermənistana göndərilib.
Rəy yaz