2013-cü ilin yanvar-mayında ölkədə 22,1 milyard manatlıq və ya əvvəlki ilin eyni dövrü ilə müqayisədə 4,5 faiz çox ümumi daxili məhsul istehsal edilib.
Qeyri-neft sektorunda 11% artım olub və onun ÜDM-də xüsusi çəkisi 52,5% təşkil edib, deyə Dövlətstatkomda Turan-a bildiriblər.
ÜDM istehsalında sənayenin payı 50%-i keçib. Tikinti sektoru ümumi daxili məhsulda 9,7% paya malikdir. 5 ayda kənd təsərrüfatı 2,8% ÜDM verib. Məhsula və idxala xalis vergilər ÜDM-in 6,4 faizini təşkil edib. Daha çox artım tikinti sektoru – 38,7% və turistlərin yerləşdirilməsi və ictimai iaşə xidmətləri sahəsində olub – 20,3%.
Neft-qaz hasilatı və emalı sahələrində ÜDM 1,4 faiz azalıb.
Beş ayda ümumi daxili məhsulun əhalinin hər nəfərinə düşən həcmi 2389,0 manat (3044,4 ABŞ dolları) təşkil edib. Bu, 2012-ci ilin eyni dövründəkindən 3,1 faiz çoxdur..
2012-ci ildə Azərbaycan iqtisadiyyatında 2,2% artım olub. Hökumət bu il ÜDM artımını 5% proqnozlaşdırır. Beynəlxalq Valyuta Fondu və Avropa Yenidənqurma və İnkişaf Bankı 3,8% və 3,5% artım gözləyir --08D—
İqtisadiyyat
-
Azərbaycan 27 noyabr 2024-cü ildə verilmiş prezident fərmanına əsasən, azad edilmiş ərazilərdə kənd təsərrüfatı torpaqlarının icarəyə verilməsini sadələşdirmək, investisiyaları cəlb etmək və kənd təsərrüfatının məhsuldarlığını artırmaq məqsədilə yeni qaydalar tətbiq edib.
-
Asiya İnkişaf Bankı (AIB) Azərbaycan pərakəndə ticarət sektorunu dəstəkləmək üçün 10,5 milyon dollar ayırdı və bu, ölkənin iqtisadi modernləşməsinə davamlı dəstəyində növbəti addım oldu. Bu investisiyalar Azərbaycanın iqtisadiyyatını şaxələndirmək və dayanıqlı inkişafın əsas sütunlarından biri olan kiçik və orta sahibkarlığı (KOS) gücləndirmək istiqamətində daha geniş məqsədlərinə uyğun gəlir.
-
Bu gün Milli Məclisin iclasında Azərbaycanın deputatları 2025-ci il üçün minimum yaşayış səviyyəsinin artırılmasını nəzərdə tutan qanun layihəsini birinci oxunuşda müzakirə edib və təsdiqləyiblər. Yenilənmiş rəqəmlər 10 manatlıq mülayim artımı əks etdirir və ölkə üzrə yaşayış minimumu 285 manat olaraq müəyyən edilib. Xüsusi əhali qrupları üçün bu göstəricilər 305 manat (işləyən əhali üçün), 232 manat (pensionerlər üçün) və 246 manat (uşaqlar üçün) təşkil edir. Eyni iclasda gələn il üçün ehtiyac meyarı da 285 manat məbləğində təsdiq edilib ki, bu da milli yaşayış minimumu ilə eyni səviyyədədir.
-
Bu il Avstraliyanın Fortescue Future Industries (FFI) holdinqinin Azərbaycanda "yaşıl" layihələrin inkişafına dair planları yenidən tənzimlənib, lakin iki il əvvəl başlayan danışıqlar davam edir, Turan-a məlumatlı mənbə bildirib.
Rəy yaz